Vawikhat chu, Pathian thuhriltu lar tak pakhat hi khawlaia thu a lo sawi lai hian, Cowboy inti Pa tawk tak mai hi Sakawr lian tawk tak chungah chuangin a rawn tlan thauh thauh mai a, inti Pa tawk tak mai leh Thuhriltupa ngaisanglo tih hriat tak mai hian, “Thuhriltupa, Hremhmun hi engtia hla nge min hrilh teh” tiin deuhsawh tak hian a rawn zawt thang thang a. Thuhriltupa chuan chhan ngaihna vak a hrelo a, a ngawihsan mai a.
Chu Cowboy chuan, “Hremhmun hlat zawng pawh hre silo hian Pathian thu ka sawi e te inti ve a” tiin a nuihsawh hle mai a. A Sakawr nen chuan a tlan leh ta a. Mahse a tlan tan deuh chauh tih chuan, thil ri deuh dup hi an hre ta a, an va enchian nak chuan kha Cowboy pa Sakawr kha nalah a tawlhthlu a lo ni a.
Cowboy pa chu an han bawihsawm chuan a tlakna lamah khan a Lu leivit zawnga tlain a ringruh a sawhtliak hi a lo ni a, chhan theih a lo ni tawh lo a, a ka pawh chhawn tur awm lovin a thi ta a ni. Chu Thuhriltupa chuan a awmna leh Chu Cowboy pa chetsualna lai chu a hlat zawng tehin a han pen thauh thauh mai a, pen 200 chiah a lo ni a. A thu ngaithlatute hnenah chuan, “Hremhmun hlat zawng chu pen 200 chauh a lo nih hi”. A ti ta a ni.
Mihring kan nih chhung hian, kan vanglai hun hi a nawm lai ber ani awm e. Tin, kan hmalam hun pawh a eng zawng hlir leh beiseina hlimawm lam hlir hian min hmuak ni hian a lang thin a. Vawikhat pian ve manah rual u te ti ti ngaihthlak atang te leh an nungchang thawven hmel tak leh engthawl hmel tak kan hmuh atang te, kan film en leh kan Thawnthu chhiar atang te hian thil tam tak kan suangtuah a, kan mangphan a, taksa a chak that lai a lo ni a, Tisa chakna a lo sosang hma a, Rual u zawk tunhmaa kan ngam ngailoh leh min tiduhdah thin tute kan han cho thar a, zu han nam phelh phawlh a, kan theihna leh chakna han lantir leh han intih Pa kan chak thin.
Hmeichhe lam pawh, an mawi hunlai ber alo ni a, Mipa mit an la tan a, Mipate mit la thei ang bera han intuaifai leh thawmhnaw te pawh inbel a, Dai ngailoh ram han dai kan chak hun lai a ni. Thi mai torah kan indah phal ngai lo a ni.
Zawi zawiin kan thil lo chak ruk te chu remchang a lo awm ta a, kan han tichhin dai dai a, a tirah chuan kan thla a ngam zan lova, kan inthiam lova, thinte emaw bialnu/bialpa te thlem leh nawrluih deuhte kan han ngai thin a. Vawikhat chuan vawihnih-vawithum a lo hring chho zel a, a lo a awm theihloh hun a lo thleng ta a, Kan nungchang mawi leh kan zahawmna hloh phah hial khawp a, kan chen hun a lo thleng ta thin a, Natna hlauhawm tak tak te pawh kan lo kai phah thei thin a ni.
Kan Bible chuan Thalai kan nih lai hian, Hlim taka kan awm hi a phal teh meuh mai a, Thuhriltu 11:9 kan en chuan:-“Thalaite u, in thatlai chen ula, In la naupan viau lai hian hlim rawh u:,” a ti a ni. Amaherawhchu, a zawm leh chiah kan en chuan, “Amaherawhchu Pathianin in chungah Ro a rel dawn tih hre reng ang che u” a tih zawm zat a ni.
Khawvela tuikhawhthla sang Niagara Falls hi an sawi thin a, tui len lai leh vur tawlh lai te hian ramsa thi ruang hi tui hian a rawn len thla thin a. Chu chu mulukawlh te hian an hmuh chuan an va tum chat a, an tin sei takte chuan an han in ham tang nghet a, khawdang hawi lek lo hian an ei ta mial mial thin a.
Zawi zawiin tui luang chuan a len thla zel a, thenkhat fimkhur deuh an awm laiin, thenkhat erawh an thil ei lai ringawt ngaihtuah a, khawdang hawi lo leh ngaihtuah miahlo hi an awm thin a. Chungtiang ho chu lui luang chuan tuikhawhthla sang takah chuan a hnawl liam ta thin a, thih phah an awm nual thin an ti.
Thalai ten he khawvel kan chenna kawngah hian khawdang hawilo lek a kan chen mai chuan, kan hriatloh karin lengkir sang takah nawr liamin kan awm palh ang tih hi a hlauhawm em em a ni. Mihring te hian kan hmalam hun kan hre tak tak lovin, kan sawi lawk thei tak tak thin lo. Indonaa thi tam berte chu thalai an ni a, ruihtheih thil leh ralthuam avanga thi tamber chu thalaite an ni a, thlanmual a thlanlung ziak han chhiar ila, thalai an tam em em thin a ni.(Chhunzawm tur..)
He Kumtharah hian kan kawngte hi chhut ngunin en ngun ila, khawilam lamtluang nge kan zawh mek? Tih te hi i inenfiah thin ila, hlim taka kan khawsak ho dial dial lai hian a pawimawh ber hi kan lo ngaihthahin kan lo neilo palh hlauh ang e.
Vawikhat pawh, professor lar leh ropui tak mai pakhat hian luipui a kan dawn a. Vawkkuang lawng kan tih ang chi hmang hian a kai a ngai ta a. Chu Vawkkuang lawng khalhtu chu en reng reng hian a mawl hmel hle mai a, Ziak leh chhiar pawh thiamlo hi a ni a. Chu Professor pa chuan, “Lawng khalhtupa, Science hi i hre ngai em?” a han ti a. Chu Lawngkhalhtu chuan inngaitlawm tak hian, “Ka pu Sikulah ka kal ngai lova, Science chu enge anih ka hre hauh lo mai” tiin a chhang a.Professor chuan hmusit tak hian “Science i hriat loh chuan, i nun hmun thum a thena hmun khat i hloh a nih chu” a ti a. Lawngpu-a chu a ngawi reng a. Professor bawk chuan, “Lawngkhalhtupa, Philosophy lam te hi i hre ve reng reng em?” tiin a han zawt leh a. Lawngpu chuan, “Ka Pu chutiang chu enge anih reng ka hrelo mai” tiin a chhang leh mai a. Professor chuan, “Philosophy i hriat loh chuan, i nun hmun thuma thena hmun khat dang i hloh anih chu” a ti leh a. Lawngpu chu a ngawi reng a. A vawithum nan Professor chuan History a hriat leh hriat loh a zawt leh a, a ngai ang bawkin chu Lawngpu chuan History lam reng reng a chhiar ngailoh thuin a chhang leh a. Professor chuan History a hriat miah loh chuan a nun hmun thuma thena hmun khat dang chu a hloh thu a sawi leh ta a. Lawngpu chuan sawitur reng a hre lo.
Chutah le, an chuanna lawng chu thingluang tawlh chuan a rawn su ta dawt mai a, a keh a, tui a rawn lut a, a pil dawn ta mai a. Lawngkhalhtu chuan, “Ka Pu, tuihleuh i thiam em?” tiin a han zawt a, Chu Professor chuan mangang takin, “Thiam hauh lo mai” a han tih chuan, Lawngpu chuan, “Ka Pu, chuti chu i nunna zawng zawng i hloh ta zu nia” a ti a, tuiah a zuangthla a, a hleuh kai san ta a ni.
Thil dang zawng zawng te hi thiamin hlawhting pur pur a inhriain, Sum leh pai lamah te hman sen loh nei mah ila, a pawimawh ber CHHANDAMNA Lal Isuan min lo buatsaih sak hi kan neih si loh chuan, he Professor pa ang hian, kan nun zawng zawng kan hloh vek dawn tho a ni.Ngun takin mahni theuh i in en let theuh teh ang u.
Branch Thla thar Committee
A hnuaia hun leh hmun ruatah hian KTP Branch Thla thar Committee neih tur a ni a, Faith Promise leh Group Budget te lakkhawm leh tur a ni dawn a, a khawntuten mahni bial chan theuh te thahnemngai takin fang kual leh ila a tha awm e.
A hun : Dt 14.2.02 (Tue) 6:30 p.m
A hmun : Kohhran Committee Room
Member atanga thu thlen duh nei chuan Committee member remchang te hnenah ziak a thehluh theih a ni e.
Kohhran hunruatna
Sunday School
Tantu : Pi Lalkhumtiri
Chawhnu
Tantu : Pi K.Thangliani
Thusawitu : Pu Zakiamlova
Zan
Thusawitu : Upa Vanlalzuia
KTP Inkhawm Programme
Hruaitu : Pu.H. Chhanchinmawia(Fin.Secy)
Tantu : Tv. PL. Zomuanpuia
Sermon : Pu.Lalvenkima Ralte
Special Item : Nl.Biakthansangi (Solo)
KTP Felowship Programme
A hmun : Upa Vanlalzuia In
Hruaitu : Pu Lalengkima Colney
Tantu : Nl. T. Lalrinchhani
Bible Reading : Tv. Eliazer Laltanpuia
Hla hruaitu : Tv Rothangmawia
Tv K. Lalrinliana
Conference hlabu a hlate zir nana hun hman tur a ni ang a,Group inelna atan member inchhiarna neih tur a ni bawk ang.
KAWNGTHAR BRANCH CHURCH INKHAWM PROGRAMME
Sunday School
Tantu : Pi Chawngtinthili
Chawhnu
Tantu : Pu H. Hlunchhunga
Thusawitu : Pu Lalrosanga
Zan
Thusawitu : Pu V.L Tana
KTP KT inkhawm Programme
Hruaitu : Nl Annie Lalnunngili(Fin Secy.)
Tantu : Pu R. Lalthlamuana
Sermon : Nl. Zochami (Treasurer)
Felowship Programme
A hmun : Sunday School Hall
Hruaitu : Tv. Zoramthanga (Comt. Mem.)
Tantu : Nl. Lalrimawii
BibleReading: H. Lalawmpuia
February thla chhunga chanvo neitu turte
Dt.20.2..2012
Hruaitu : Tv.Lalhruaitluanga Kawlni
Tantu : Nl.H.Zodinpuii
Central KTP Kumpuan ‘Thuawih lawmman’ tih thupui zirho a ni ang.
Thupui hawngtu : Nl.Lalrozami
Solo : Tv.Rothangmawia
Dt.27.2.2012
Hruaitu : Pu Lalzomuana
Tantu : Tv.H.Lalmalsawma
Chakna nei apiangte tana hun hman tur a ni ang.
February thla chhunga zai hruaitu : Tv.Lalpawlliana
Thilpek lakhawmtu turte :-
1) Pu.C.Ngurhlunchhunga
2) Pu.Lalengkima Colney
3) Nl.PC Laltlanchhungi
4) Nl.H.Zodinpuii
K.T.P Inkhawmah :-
1) Nl.Lalremsangi
2) Nl.Lalrintluangi Colney
Kohhran Hmeichhe Inkhawm Prog.
Hruaitu : Pi R.C Lalawmpuii
Tantu : Pi Halleluii
Thusawitu : Pi Lalnunmawii
Thingphurh hnatlang
Naktukah Kohhran Hmeichhiaten Thingphurh hnatlang neih tur a ni a,Veng hrang hranga thingpui lum turte :-
Venglai :
1) Pi Lalrinsangi 2) Pi Zarzovi
3) Pi Chhuanziki 4)Pi H.Lalthuami
5) Pi Lalruatkimi
Venghlun :
1) Pi Niliani 2) Pi Lawmsangi
3) Pi Vanlalchhuangi 4) Pi Lalramchhuani
5) Pi Lalsailovi
Masihi Sangati Fellowship Prog.
A hmun : Reception Office
A hun : 12.2.2012
Hruaitu : Pu B.Sangluaia
Tantu : Annie Lalrinliani
Hla zir nan hun hman a ni ang.
Pavalai Fellowship Programme
A hun : Dt 12.2.2012
(Chawhnu Inkhawm ban)
A hmun : Pu R.Rohmingliana In (Hall veng)
Hruaitu : Tv R.L Zaihnuna
Tantu : Pu R.Lalchawimawia
Bible Reading: Pu Lalchunga
Thu leh hla a inpawl ho ani ang.
Shillong Bawngsa
Upa C.Vanlalfela Group te chuan shillong bawngsa,karleh zirtawpni ah zawrh an tum a, kohhran mipuiten tlawmngaia lei sak tur in an ngen a ni.
Building Committee Hriattirna
Vawiin chawhma inkhawm ban hian Building Commitee te Kohhran Committee room ah committee neih tur a ni a, budget lakhawmtu ten mahni bial chan teuh ah khawn tur a ni.
