SUAL THIHSAN A KRISTAA NUN -2

Sual thihsan a Krista a nun tih hi thawnthu sawi angin han sawi dawn teh ang.Hmanlai deih tawhah chuan thlahtu Adama te bawhchhiatna avangin sual thununna hnuaiah awmin Pathian anchhia tihna kan rochung tawh a.Setanan Krista ram keimahni hi min lo la tawh a ni a.Chu ngei chu Kristan chhuhsak leh tumin a rawn bei let leh ta a,a chak zawk zawk ta kan ni mai dawn anih chu.Chutiang deuh bawk chuan hmanah tawh khan hmelma leh hmelma,Philistia ho leh Israelte anin ep thuap maia.Philistiaho aiawh atan Goliatha chu an rawn tir a,Israelte aiawhin Lal Davida tleirawlte chuan Goliatha bei tur chuan a lo chhuak ve leh a.Michak leh michak  hmelma leh hmelma chu anin hmachawn ta a,Goliatha chu tawngruk a sang a ni a,thirlukhum leh thirawmphaw nen khandaih nen a inthuam a,a ding luah mai a.chutiang a milian chu beiturin lal Davida chu ralthuam  lovin apan ding ngat ngat mai a.Israel mipuite leh Philistiahote chuan an thlir thuap a,lal Davida chuan Iraelte leh Philistiate,Goliatha ngei pawhin a hmusit ber mai indonan a engatan mah a hmanna tur awmlo an tih ber mai luilai a lungte chu a char ta zeuh zeuh a.A virvawmah chuan adah a Goliatha chu a vawm ta a,a chaldarah chuan lungte chu a lut ta siah mai a,Goliatha chu a vir muai muai a,bawkkhupin a tlu ta rup mai a ni.Davida chuan goliatha khan daih chu phawiin a nghawng a tan sak ta a,chuveleh Israelho chu Davida fuihpawrh ang hrimin Philistiahote chu an um ta a.Philistiahote lah chu engamah hmain an tlanchhe nghal ngawt bawk nen,Israelte chuan lal Davida hnensak tawhsa chu rinchhanin Philistiaho chu an that rem rum ta a,an haw hnu chuan Davida hlado an chham sak a,an lal saula pawhin a hriat ngei turin Saulan a sang a sang a that a,Davidan a sing a sing a that tiin lawm hlasain an au rual ta dur dur a ni.
Chutiang bawk chuan Isua Krista leh Setana anin hmachhawn a Isua Krista chuan Khawvel leh Setanan a hmuhsit ber mai,chaklo zawk a ni tih hriattirnan a an hman thin,chaklo chhinchhiahna an hman hmuhsiawm ber mai thihna chuan Setana a vaw ve ta khauh mai a ni.Setana lu chu a vawthitling ta a,Isuan hnenna hlado a chham zui a,thlamuang takin awmin keiin khawvel ka ngam ta tiin a au chhuak ta a ni.Setana bawi a awm zawng zawngten lawmhla kan sa thei ta a ni.Isua hneh tawhsa chu lo awi a,lo pawm a,lo ringtu a piangte chu Pathian fate kan ni tawh mai a ni.Ringlotu chu a rinlohna ah chiah a thiang,chu chu sual thihsana Krista nun chu a ni.