Ka thalaipuite,
Ahmasa in he hmun thlen ve lo na turin in
hring nun in hman theihna turin duhsakna ka hlan
duh che u a ni.
A hlauhawmzia leh rapthlakzia chu ka sawi
kher ngai lovin Bible-ah tam tak a inziak tih in
hriat kha. In hnen a ka sawi duh ber chu Khawvelah
Lal Isua leh a Kohhranho rawngbawlna
ngaihsak lek lovin in hun in hmang anga atawp ah
he hmun hi in lo thleng ve ang tih hi ka hlau a ni.
Mi ta tak chuan ITS MY LIFE tiin ruihhlo leh
khawvelah an tlan a, Khawvel hi an ta emaw tiin
an duh ang ang in hun an hmang a, Nunna siamtu
Pathian an hmachhawn meuh zawngin a tlai tawh
si thin. Thenkhat leh erawh chuan Nun tluang leh
tha takin ruihhlo leh khawvelah pawh tlan lem
lovin khawvelah hun an hmang a, anmahni felna
chuan Krista telovin an tlei a, midangte nun dan
an hrethiam lova, Pathian a chhuak hmangaihna
pawh an hrethiam hek lo. Khawvel danin hringnun
an hmang a, khawvel mite zirtirna an tawmin
an zirtir bawk thin. Hengho hi hremhmunah pawh
a khawngaih thlakawm ber pawl an ni. An felna
leh thatna khan a chandam zo silo.
A tawp berah chuan thalai tam tak chu Kohhran
a rawngbawlna hi Vanram kaina tur emaw ti an
awm thin, Mihring takin Krista Kohhran ho zingah
rawng an bawl a, an thil tih thatte an hre reng
a, miten fak se an duh bawk thin. Thlaraubo bei
turin an tuan a fum a, Thalaite rawngbawlna an
tibuai fo thin. Lehlamah chuan heng ho hi mi
taima leh mi inpe tak tak pawh an awm thin. Mahse
Lal Isua Krista tello rawngbawlna chuan awmzia
a nei lova, anmahni ngei pawh he chatuan
hrehmunah hian a paih lut thin si a.
Thalaite u, in that lai chen ula, i la naupang
viau lai hian hlim rawh u, amaherawhchu
Pathianin in chungah ro a rel dawn tih hre reng
ang che u. (Thuhriltu 11:9)
In tan a thahnem ngaitu
Vanlalpeka
