Sunday School
Tantu : Pu H K Zakhuma
Chawhnu
Tantu : Pi Lalhmingsangi
Thusawitu : Pu P.C Pahlira
Zan
Thusawitu : Upa B.Tlanlawma
KTP INKHAWM PROGRAMME
Hruaitu : Tv Lalhruaitluanga Kawlni
Tantu : Nl.Rita Lallawmthari
Central KTP Kumpuan ‘Thuawihna-Rawngbawlnaah’ tih thupui zirho leh chakna nei apiangte tana hun hman tur a ni ang.
Thupui chhiartu : Tv.Ramengmawia Hrahsel
KTP FELOWSHIP PROGRAMME
A hmun : Revival Centenary Hall
Hruaitu : Tv.H.K Zodintluanga
Tantu : Nl H.Lalrinmawii (HV)
Bible Reading : Vanlaltluanga Sailo
Hla hruaitu : Tv Lalpawlliana
Tv.Lalrinliana
KAWNGTHAR BRANCH CHURCH INKHAWM PROGRAMME
Sunday School
Tantu : Pi Tlangrualzovi
Chawhnu
Tantu : Pi Zolianpuii
Thusawitu : Pi Neihthuami
Zan
Thusawitu : Upa Lalthanmawia
KTP INKHAWM PROGRAMME
Hruaitu : Tv Jerry Lalrammawia(Asst.Secy.)
Tantu : Pu Thangchungnunga
Kumpuan zirhona atan hman tur a ni ang.Kaihhruainabu chhiar chhuak turin Tv Zoremthanga (Branch Comt.member)
KTP FELOWSHIP PROGRAMME
Hruaitu : Nl Lalhmingmawii
Tantu : Nl.Lalhruaitluangi
BibleReading: Tv PL Lalrohlua
ILUMINATE - I
Tunhnaiah thalaite zingah Illuminati leh Music Industry-a sulhnu an neih dan chungchang a rawn lar hluai a,mahse thil controversial tak anih avangin fimkhur tak leh hriatthiam awl zawngin kan tarlang ang a,Sawikim vek sen anih loh avang leh thil inzawm buaichuar tak anih avangin kimchang tak erawh chuan kan tarlang thei awm lo ve.
Enge Illuminati?: Iluminati te hi an awm tak tak leh tak tak lohah inhnialna a na sa hle a. Ngaihruatna mai mai leh an awm tak tak ring lo tam tak an awm. Chutih laiin history kan thlir chuan Bavarian Illuminati kan hmu a. Luciferian Society nena inzawm tlat he Bavarian Illuminati hi kum zabi 17-na a Enlightenment Era laiin May 1, 1776-a German Philosopher Adam Weishaupt-a’n a ruk tawpkhawka a din pawl pakhat, Europe-a lal rorelna hrang hrang leh sakhaw bik neihte paih thla tura phiarruk hna thawktu pawl a ni. Mahse he Order of Illuminati hi Karl Theodor, Bavaria Elector chuan kum 1784 khan a tih tawp sak ta a ni.
Kum zabi 17-na laia Weishaupt-a Bavaran Illuminati tih tawp sak a nih hnuin mi thiltithei leh thluak tha, hausa tak tak te chuan a ruk tawpkhawka pawl dinin khawvel pum hi rorelna pakhat hnuaia kun tir a, ram hrang hranga sawrkarte tlukchhiat tira Illuminati member ten an awpbeh khawvel thar NEW WORLD ORDER (NWO) siam chu an tum ber a ni. America ramin Independence an hmuh theihna te, Vietnam War etc te a sum lama vurtu investors lian a ruka inzawm Freemasons ho nen pawh a ruk taka inzawmna nei a sawi a ni. He NWO siam tur hian khawvela Bank zawng zawng inthlunzawm tira pawisa inang hman a, zirna in, sumdawnna leh media zawng zawng control a sakhaw hrang hrang, abik takin Kristian sakhua tlukchhiat tir chu an tum niin sawi a ni a, mi lar tak tak Winston Churchill, The Bush Family, leh The Rothschilds te kha Illuminati member niin sawi an ni thin. Sakawlh te nen pawh an rinzawn hial thin.
Illuminati chungchang hi mi thiam tak tak te pawhin sawichian tur em em an hre thin lo. A ruk taka khawvel awpbet thei tura phiarru a, a ruk thei ang ber a inhmukhawm a che thin niin sawi a ni a, khawvel politics a an inhnamhnawih dan te, chhiatna hrang hrang a an inphumruk dan te chu chipchiarin kan sawi hman lovang. Mahse, tunlai thalaite ngaihven, hlimhlawp thil chinchhuahna bulpui Music Industry-a an sulhnu erawh Kristian thalaite tana a pawimawh avangin kimchang lo takin han bih zuai ila.
Illuminati te hian milar leh zaithiam lar tak tak te chu sum leh pai leh hmingthanna hmanga vurin an member te pawhin Illuminati sign hi a ruk thei ang berin an lantir thin a, tin, an hla thuah te pawh hian Setana fakna thu tam tak an zep ru thin. Heng hi hetia enliam mai chuan kan hmu thiam lova, mahse uluk taka en erawh chuan Illuminati symbol hi music video tam takah hian a lo inphum ru niin sawi a ni.
Illuminati symbol: Illuminati te hian an chhinchhiahna hi mit lawnga hmuh nghal mai theih loh, uluk taka bihchian erawh a hriat theih siin hmun tinrengah an zep ru thiam hle a, zirchiangtu thenkhat phei chuan Illuminati hian kan khawvel nitin nun hi kan hriatloh hlanin min controll a, an symbol pawh hi a ruk takin hmun tam takah a in phum ru niin an sawi.
Illuminati ho symbol chu han sawi fiah dawn ila- Illuminati te symbol-a mit hi Lucifer mit entirna a ni a, hei hian engkim a hmu thei (all seeing) a, Pyramid chhungah dah a ni. Pyramid chu a chhip a zuih a, a hnuailam a arh ang hian rorelna pakhat hnuaiah engkim kun tir tumna a lantir a ni. Tichuan Illuminati symbol chu Pyramid (triangle) chhunga Mit pakhat awm (Eye of Horus), a lem ami ang hi a ni. Hetiang lem hi building design hrang hrang te, company logo-ah te, music video leh fashion designer te kutchhuakah te leh US Dollar-ah ngei pawh hmuh tur a awm a ni. Tin, Illuminati te hian Kristian sakhua tlukchhiat tira anmahni malsawmtu Setana lalram din an tum tel bawk avangin Pyramid chhunga mit lem awm ‘Eye of Horus’ bakah hian Kel luruh ro lem, Pentagram etc te hi a rukin an chhinchhiahna atan an hmang bawk niin sawi a ni.
Illuminati leh Music Industry: A chunga kan sawi tak Illuminati pawl te hian kan nitin nunah nasa takin an inrawlh a, an chhinchhiahna hrang hrangte chu a rukin tam tak kawng hrang hrangin hmun hrang hrangah an phumru tel tawh a ni. An lal ram zauhna atana an hmanraw tangkai ber pakhat chu Music Industry leh Hollywood khu niin Illuminati chungchang zirchiangtute chuan an sawi. Illuminati te hian Setana chu Pathian aiin a ropui zawk niin an ngai kan tih tawh kha, chumi avang chuan Music Industry leh a behbawmah pawh hian Illuminati te hian an thuhnuaia an dah tawh zaithiam te music video-ah an chhinchhiahna hrang hrang Illuminati symbol te, kel lu ruh ro te, pentagram te, checker board (a dum leh a var) te, ni pathian lem etc te an lan tir nual hlawm a ni. (A sei deuh avangin karlehah chunzawm a ni ang.) Source : gilbertrenthlei.blogspot.com
Lehkhaphek leh tawngtai chhanna ropui
Hudson Taylor hi kum riat mi lek a la nih laiin a pa lehkhabu dahna (Library) chhungah a lut a, chanchintha ziahna lehkhaphek (Gospel tract) a chhiar a, a chhiar zawh ve leh thingthi in Pathian hnenah a tawngtai a, Isua Krista chu a Lal leh Chhandamtu ah a pawm nghal bawk a ni.
Hun reilo te ah chuan a nu chu inchhung ah a va lut a, Hudson chuan hlim leh lawm takin a nu hnenah a nuna thil thleng zawng zawng chu hlim leh lawm takin a hrilh a ni. A nu chuan, “Kha mi chanchintha lehkha (Gospel tract) i chhiar lai ka hmuh in Pathian hnenah ka tawngtai a, i lehkha chhiar khan i nuna danglamna a thlen theih nan leh Isua Krista chu Lal leh Chhandamtu a i pawm ve theih nan bang lovin ka lo tawngtai char char a sin” tiin a chhang.
Hudson Taylor (1832-1905) hi China ram a Missionary hmingthang leh Pathian in a hman em em a ni. ‘China Inland Mission’ dintu a ni. A thih thleng in a din Mission Stations ah Missionaries 800 leh Chinese Kristian 124,000 an awm a ni. China ram ah kum 51 chhung Mission hna thawkin a awm a ni
Pavalai Fellowship Programme
A hun : Dt 29.1.02
(Chawhnu Inkhawm ban)
A hmun : Pu K.Zaithanga In,Kawngthar
Hruaitu : Pu C.Lalropuia
Tantu : Pu Basil Lalrosanga
Bible reading: Pu H.Lalhmachhuana
Kohhran Hmeichhe Inkhawm Prog.
Hruaitu : Pi Vanlalmawii
Tantu : Pi Laldinthari
Thusawitu : Pi Vanlalruati
Programme sub-committee
Vawiin chawhma Inkhawmban hian Programme sub-committee memberte Kohhran Committee room-ah committee neih tur a ni a,memberte kim tak a kal vek tur a ni.
Kohhran Zaipawl
Naktuk Zan Inkhawmban hian Kohhran Zaipawlte Revival Centenary Hall ah hla zir tur a ni a, Zaipawl member te a tam thei ang ber kal turin kan in hriattir a ni.
Sunday School Hriattirna
Sunday School Kum 10(sawm) chung a zawna kaikim tawhte chuan sunday school secretary hnenah an kal kum nen in report tur a ni.
Souvenir Zawrh Hnatlang
Tunkar Dt 26.1.02(Thursday) khan Branch Committee memberten Souvenir zawrh hnatlang an nei a,hemi tum hian Copy 51 lai an hralh thei a,tlawmngai a lo leisaktu zawng zawngte hnenah lawmthu an sawi a ni.
Keimahni
Chanchinbu a thu chhuah tur nei ten Inrinni chawhma dar 10:00 hmain Editor-te inah ziak a dah thin tur a ni.Hei hi a chan chu chhutsual palh ah Proof reading nei dawnin ziak ngei a dah hian enfel a nuam thin.kumin chhung atan a chanchinbu man la pe lote chuan a ranglama veng hrang hrang a Editorial Board memberte leh aman khawntute hnenah aman pe turin kanin ngen nawn leh a ni.Tin La thar duhte kan awm chuan Editorial board memberte hnenah hril thin nise a lawmawm hle ang.
