Vai tlangval pakhat Mizorama piang leh seilian mizotawng pawh thiam tak mai hi a awma, vawikhat chu anau pianchampha lawmna turin Kel leitur a zawnga in, pakhatah hian alut a, Pitar alo awma chu Pitar hnenah chuan kapi Kel leitur in nei em tiin a zawt a, Pitar chuan an en vela vai ani tih a hria a, tlangval, vai tawng ka hrelo a ni a ti ta mai a vai tlangval chuan ngawiteh kapi vai leh mizo lam pawh a ni chiah love, Kel leitur innei em ka ti mai ania an ti nawn leh a, Pitar chuan i sawi chu ka hrethiam alawm mahse vaitawng ka hrelo a ni a ti tlat mai si a amangang hle a, chutih lai chuan mizo tlangval hi alo kal hlauh mai a vai tlangval chu
an ekhai thianpa khawngaihin min han tanpui teh khai, hei ka pi hnenah hian kel leitur an neih leh neihloh ka zawta min han en a vaitawng ka hrelo a ni a ti tlat mai a min pui theih chuan ka lawm khawp ang a ti a, mizo tlangval chuan a ni tak chu mawle ava mak ve ati a, pitar hnenah chuan kapi hei thianpa chuan kel leitur i nei em ati anih hi mole ati a, Pitar chuan a en a e mizo ini maw mizo tawng chu kan hria alawm kan neilo ati ta a, a awmzia chu vaitlangval kha mizotawng a thiamna lam atangin achhang lova apian leh amur na lam atangin achhang a ni, a nu pawh vai a pa pawh vai ani tih a hria a apian chhuahna a diklo ani tih a ti lang ani, Mizo tlangval erawh chu a nu mizo a pa pawh mizo ani a apian leh murna adika mizotawngin achhangta a ni.
Chu thu chuan sawi chhuah a tum chu,Nula pasal neitur chu an inbiakrem vek tawhna leh man pawh an in pekvek tawhna te inneihna lehkha pawh an tar chhuah tawh pawh nimahsela, Pastorin kutsuiha a inneih tir hma loh chuan awmzia a la nei theilo, Pastorin a inneih tir hnuah chuan inneihna thuah chuan inneihna dan angin an piangta tihna a ni a, an pian leh murna chu a dikta tih na a ni tawh ang.
Pathian lamah pawh kan pian chhuahna leh seilenna hmun hi adiklo anih chuan Isua Kristan ka hrelo va che min ti ve reng a ni, kan thawh leh chetvelna lam atangin min en dawn lova, kan pian chhuahna leh selenna lam atangin min en zawk dawn a ni, kan pian chhuahna leh seilenna hi sualthih nan a Krista nun a ni thei angem? Pathian thu lam atangin i in en fiah ang u.
