Hmanni deuh khan ka thian hnai takte hnen atangin BPL member hnuaia Health Care Scheme hi ti ve turin min rawn a,Kan Nu rai puar ul mai leh sum lam a ka pachhiat ziate kan en chuan tih ve mai chu ka duh ta a..Mahse muthmunah chiang zawk a kan nupa a kan sawi dun hnu chuan Eden huan a thei ei thianglo chu ka lo ban hman tep a ni tih ka hrechhuak ta a ni.BPL member ka lo hriat ve thin dante ka ngaituah let a,Tichuan Internetah BPL awmzia leh hrilfiahnate ka en kual ta a,BPL lampum chu Below Poverty Line tihna a ni a,chumi awmzia chu Sawrkar hian mipuite hi chi 3(thum) angin min then a,chungte chu mi hausa,Mi vantlang LEH MIRETHEI te angin.BPL hi chu mi rethei hnuai lam mahni a in chawm zo lo,sawrkarin tanpuina a pek reng loh chuan an tan dam khawchhuah ngaihna awm miah lohte tihna tluk a ni.
Keinni ram a BPL memberte hi enge kan an ve le..Mizopa dik takin chhungkua a enkawlna atang chuan BPL member hi Mizoramah hian awm theilo tur tluk a ngaih a ni a,Mi thenkhat an nihna ang ang pawh zahpui thei lo a BPL member dik tak chu an awm thei ang.Amaherawhchu kan ram BPL member tam zawk erawh hi chuan Politiciante tawngkam takin Eirukna(Corruption) hi kan ti ve mek a ni lo mo?Tunlai a BPL member ni mekte hian khawngaihin i ngaihtuah chhiang leh teh ang u,BPL nih hi kan khawsak phung nen a inrem lo leh in mil lo tak tak a tam teh a nia.Mobile handset leh Color TV nei tan BPL member nih a theih loh a ni.chung loh pawh chu kan nunphung nen a inremlo tam tak sawi tur a awm ngei ang.Khaw pakhat chu an khua pumin BPL member an ni vek an tia,Chumi awmzia chu an Pastor leh Upate pawh BPL member vek an ni tihna a ni a,ngaihtuh awm ve tak chu an ni.Kan CM zahawm takin a sawi ang deuhin Pathian nung betute hian kan ringtu nun nen pawh hian a in rem chhiah lo a ni.
A tawp ber ah chuan heng zawng zawng hian mipuite hian kan zirloh rualin kan Politiciante ka puhlo thei lo a ni.Mipuite hian kan nihna dik tak leh chanvo angte kan nei thei lova,Kan chhungril nun min eichhia a,eiru leh mi rinawm lohte an lian thur thur a,an chungah hremna engmah hmun tur a awm loh va,Hna dil leh lak chungchangah pawh thuneitute tlawn lungawi leh be thiam thiam anni si a,hmelhriat neilo leh miretheite tan chuan eng sawrkar hna mah hi beisei awm a awm tawh a ni.Mirethei zawkte chauhin tanin an thleng thei a,Mihausate erawh chuan eng ang a pawi lian pawh khawih se Sum thiltihtheihna in a chhanchhuak leh thin.Hengte avang hian Mihausate kan awt a,kan theih tawk theuhah eiruk kan pawisa lo ve mai thin.Engpawhnise mite chuan an theih tawpin a eiru a ni thei e,RINAWMNA hi kan ral thuam neih that berah i hmang tlat zel ang u.
