Vairengte Branch

Message

    Kristian Thalai Pawl, Vairengte Branch a din Champha phak kum 50-na(Golden Jubilee) Pathian hruainaa kan lo thleng ve ta reng mai hi a lawmawm tak zet zet a. Min hruai thlengtu kan Pathian chungah lawmthu ka sawi a, Jubilee hmangtu zawng zawngte K.T.P Vairengte Branch hmingin chibai ka buk a che u.
    He lekhabu buatsaih anih atanga sul sutute taimakna, inpekna, thawhrimna leh thahnemngaihna azara Souvenir changtlung leh mawihnai tak kan lo peihfel ta mai hi ropui ka ti a, a buatsaihtute chungah lawmthu ka sawi a ni. Kohhranho leh KTP thangthar lo awm zel turte tan lehkhabu tangkai leh ro tling anih ka ring a, chhiartu zawng zawngte tan hlawkna leh malsawmna lo ni mawlh rawh se.
    Vawiina Jubilee lawmawm tak kan hman mek lai hian kan zinga awm ve ta lo, KTP hruaitu, hnarkaitute leh mi thahnemngai tam takte kan rilruin a hre reng a, an thahnemngaihna leh thawhrimna azara Jubilee hmang thei kan nih hi phat rual a ni lo. Chuvangin an chungah lawmthu ka sawi a ni.
    KTP Vairengte Branch Golden Jubilee hmangtu zawng zawngte tisa leh thlaraua hlawkna thar in dawn ngei theih nan duhsakna sang ber ka hlan a che u.

 

 

(LALRAMMAWIA RALTE)
Leader
Kristian Thalai Pawl
 Vairengte Branch