Industry leh Hollywood khu niin Illuminati chungchang zirchiangtute chuan an sawi. Illuminati te hian Setana chu Pathian aiin a ropui zawk niin an ngai kan tih tawh kha, chumi avang chuan Music Industry leh a behbawmah pawh hian Illuminati te hian an thuhnuaia an dah tawh zaithiam te music video-ah an chhinchhiahna hrang hrang Illuminati symbol te, kel lu ruh ro te, pentagram te, checker board (a dum leh a var) te, ni pathian lem etc te an lan tir nual hlawm a ni.
Tunlai thalai ten heng zaithiam Jay-Z, Beyonce, Rihanna, Lady Gaga, Katy Perry, Bob Dylan, Eminem etc te hi kan ngainain an hla pawh kan ngaithla tam hle mai. Heng zaithiam te hi Illuminati pawl nena inzawmna nei a sawi lar ber an ni. Illuminati Agent te hian zaithiam chu hmun nuam takah inhmuh falna hun an siam pui a, chutah chuan sum leh pai, nula hmeltha, larna leh hlawhtlinna etc hmangin zaithiam te chu an pawla lut turin an thlem thin niin an sawi a. Chutianga an pawl zawm tate chuan a ruk takin Setana an bia a, Setana pawhin Illuminati pawl kaltlangin nasa takin mal a sawm thin ni a sawi a ni. Setana hian a malsawmna chu ruah ang maiin a sur tir ni a heng zaithiam te hian an hriat avangin an hla thu tam takah malsawmna ruah anga sur tirtu Setana chu ‘Rain Man’ tiin an hla thu tam takah an tarlang a, pawisa ruah ang maia a sur vel pawh engmah hrethiam chiang lovin music video tam takah kan en liam mai thin awm e. Heng hian awmzia a nei a ni.
Rapper lar Jay Z hi Illuminati nena sawi zawm lar ber a ni a, a thawmhnaw siamchhuah (clothing line) Rockafella hi Illuminati nena inzawm Freemansons member mi hausa tawntaw Rockfeller Family hming sawina niin an sawi a, he clothing line logo pawh hi Illuminati sign (All seeing Eye-Engkim hmuthei Mit) ang kha a ni. Tin a thawmhnaw design dang Rocawear sign-ah pawh hian mit lem (Eye of Horus) chei danglam a hmang a ni. Jay Z hi Illuminati member ni a sawi a nih angin chumi tichiang tur chuan Alicia Keys nen an hla lar tak ‘Empire State of Mind’ ah pawh khan “Jesus can’t save you, life starts when the church ends” (Isua’n a chhandam thei lo che, Nunna chu kohhran tawp hunah a in tan chiah dawn) tiin a lo chham zuah zuah tawh a, amah malsawmtu Rain Man hming hi Rihanna nen an hla lar tak ‘Umbrella’ leh hla dangah te pawh a lo chham tel tawh a ni.
Chutiang bawkin Beyonce Knowles pawh hi Illuminati member ni a sawi a ni a, tunhnaiaa album hming ‘I am Sasha Fierce’-a ‘Sasha Fierce pawh hi ramhuaiin a awpbeh hnua a hming niin sawi a ni. Tin, tunhnai maiah pawh Illuminati te symbol ‘Kel luruh ro’ lemchuanga cheiranin thla a lak bakah Kel luruh ro (Baphomet) zungbun a bun lai thla tih lan anih chei chuai bawk kha. Tin, tunlai Pop music-a lar em em Lady Gaga pawh hi Illuminati nena inzawm nia sawi a ni bawk. Ani pawh hian Kristian sakhua tibawrhbang zawngin music video a siam fo a, tin a video thenkhatah Kel luruh ro a khum lai te, ki lem vuaha a inchei te, ‘All Seeing Eye’ awmna kawr a hak te tam tak hmun tur a awm a ni.
Tin, Eminem pawh hian a hla thu tam takah Setana fakna leh amah chenchilhtu a chhungrilah a awm tih a chham chhuak a, ‘Rain Man’ chungchang pawh hi a hla thuah hmuh tur tam tak a awm. Hetiang deuh bawk hian zaithiam lar tam tak chuan lar leh hmingthanna, sum leh pai um avangin anmahni Setana hnena an inhralh thu hi zep lovin an lo puang chhuak tawh thin a. Naupan laia Pathian hla chauh sa thin, Katy Perry pawh hian TEN LIVE channel-in amah an interview tumin, “Kum 15 ka nih lai a music ka luhchilh tirh chuan Gospel Singer Amy Grant ang nih ka tum thin a, mahse ka hlawhchham avangin ‘ramhuai hnenah ka nun ka hralh ta a ni” tiin a sawi phawng mai a.
Tin rapper Kanye West, Bob Dylan, Jay Z etc te pawhin hetiang hian thu an lo chhakchhuah tawh bakah anmahni awp bettu ramhuai a awm thu leh an hla phuah thenkhat te pawh heng ramhuai ho pek hi niin an sawi hial a ni. Hetiang deuh hian zaithiam tam tak te chuan an hlaah Setana nena an inlaichinna hrang hrang an tarlang a, a thenin fiah takin sawi mahse a then chuan love story leh an nun buaina behchhanin thukru ang reng takin an ti lang thung thin.
Hetianga Setana malsawmna dawnga an thil tumte tihhlawhtling tura Illuminati hovin zaithiam te an awpbeh hnu hian talchhuah an harsat a, an nunah buaina nasa tak a thleng zui thin niin sawi a ni. Zirchiangtute chuan rapper lar Tupac Shakur, King of Pop Michael Jackson, popstar Alliyah, guitar legend Jimi Hendrix etc te thihdan pawh kha Illuminati te thah niin an sawi a. Illuminati pawla lo awm tawh mi lar tak tak te’n he pawl atanga talchhuah an tum chuan Illuminati te remruatnain hmingchhiatna mak pui puiin a bawm a, a hnuah chhan hrang hrang i.e OD, kahhlum, inawkhlum, accident etc vangtein an thi zui thin niin an sawi.
Awle, Illuminati chungchang hi inhnialna chawkchhuak thei (controversial) tak anih avangin Illuminati te hi an awm tak tak leh tak tak lohah thu kan titlu chiang dawn lo va, mahse Setana chhinchhiahna leh Setana fakmawina hla thu tam tak te hian kan nitin nun, kan computer, mp3 player, kan mobile phone etc min luahchilh reng tawh a ni tih erawh hi chu controversial mai nilovin a chiang em em a ni. Kristian thalai ten eng hla nge kan ngaihthlak thin a, eng music video nge kan en thin? Kan thawmhnaw hak thleng hian Kristian thalai te hian Setana chhinchhiahna kan lo pu vu vu em? Heng thil lakah hian kan inthiar fihlim thiam a pawimawh takzet a, Pathian no leh Ramhuai no kan dawm kawp thei lo tih kan hriat nawn leh a va tul em.
Kohhran hunruatna
Sunday School
Pastor Bial fan Programme a ni a, Pro Pastor in Zirlai a khaikhawm ang.
Chawhnu
Baptisma leh Lalpa zanriah sacrament buatsaih a ni ang.
Zan
Thusawitu : Pastor Malsawmtluanga
KTP Inkhawm
Hruaitu : Pu.Lalmuanpuia Colney
Tantu : Nl.Annie Lalrinliani
Sermon : Pu.Lalzomuana
Special Item : Trio
KTP Felowship Programme
A hmun : Upa Zolroluta
Hruaitu : Nl H.Lalrinthari
Tantu : Tv K.Lalawmpuia
Bible Reading : Nl B.Lalremruati
Hla hruaitu : Tv HK.Lalrindika
Pu R.Lalvenkima
Pavalai Fellowship Programme
A hun : Dt 5.2.2012
(Chawhnu Inkhawm ban)
A hmun : Pu Laltanpuia Royte
Hruaitu : Pu R.L Zaihnuna
Tantu : Pu H.Lawmkima
Bible Reading : Thanhlira Pautu
Pavalai Inkhawm Programme
A hmun : Recieption Office
Hruaitu : Pu R.Zonunsanga
Tantu : Pu Chhandama
Sermon : Pu Laltanpuia Hlondo
Kohhran Zaipawl
Naktuk Zan Inkhawmban hian Kohhran Zaipawlte Revival Centenary Hall ah hla zir tur a ni a, Zaipawl member te a tam thei ang ber kal turin kan in hriattir a ni.
Kohhran Hmeichhe Inkhawm Prog.
Hruaitu : Pi Biakmawii
Tantu : Pi Biaktinkhumi
Thusawitu ruat bik awmlo in chakna hun leh tawngtai rual nana hun hman tur a ni ang.
Vawiin chawhma inkhawm banah kohhran hmeichhia ten Bial Hmeichhe Inkhawmpui a hla sak tur zir tur a ni a, member te a tam thei ang ber Revival Centenary Hall ah kal khawm a hla zir tur in kan in hriat tir in kan in ngen a ni.
Kohhran Hmeichhe Committee
Dt 6/2/12(Thawhtanni) Zan dar 6:30 ah Kohhran Hmeichhia ten Kohhran Committee room ah thla thar committee neih tur a ni a, committee miten ngaipawimawh in kim taka kal tur in kan in hriat tir a ni.
Sunday School Hriattirna
Sunday School Kum 10(sawm) chhung a zawna kaikim tawhte chuan sunday school secretary hnenah an kal kum nen in report tur a ni.
Group Committee
A hnuai a hmun tar lan ah te hian heng group te hi committee neihtur a ni:
Upa B.Tlanlawma Group : R. Lalhmuakliana In
Upa C.Zoparliana Group : Gospel Centenary Hall
KAWNGTHAR BRANCH CHURCH INKHAWM PROGRAMME
Sunday School
Tantu : Pi Tlangrualzovi
Chawhnu
Vairengte BSI ‘N’ Area hawnna Programme
Chairman : Upa Laldawngliana
(Secretary Saiphai Area)
Hawngtu : Pu K.Zaneihtluanga
(CSM, President)
Hruaitu thar hlanna : Pu Ch.Lalbiakchhunga
(Vice President)
Zan
Thusawitu : Upa Lalthanmawia
KTP Inkhawm
Hruaitu : Nl Zochami(Treasurer.)
Tantu : Tv Vanlalruata
Sermon : Pu Lalrindika (Branch Comt.)
KTP Felowship
Hruaitu : Micky Lalrinthanga(Br.Comt.)
Tantu : Tv Zonunmawia
BibleReading: Nl Lalrindiki
Pathianni zan a thilpek la khawmtu turte :
1.Pu Micky Lalrinthanga
2.Tv Vanlalruata
3.Nl Lalbiaknungi
