THINGPHUN HNATLANG

 Dt 12.7.11 a Branch Committee in Jubillee pual a thing phun nise ti a lo rel tawh angin Thlanmual No.1 ah thing phun hnatlang hi neih a ni a,memberte an thawk chhuak tha hle a ni.

TO MY DEAREST DAUGHTER...

(He Lehkhathawn hi ka Fanu Dt 18.9.11 a Durtlang damdawi In a piang tan a ka ziah a ni e..)  by engkimaConey

To,

Ka fanu duh tak..

A hmasa in he khawvel a lo piang chhuak tur a pathianin remruat dan hi keini i Nu leh Pa te hian a mak kan ti tawp thei lo a ni.Siamtu chung Pathian hian engkim hi chhan nei leh awmze nei vekin a siam a,kan Fanu ni tur a he khawvel eng i lo hmu hi keini i nu leh pa te hi kan lawm tak zet zet a ni.
He khawvel eng i lo hmuh ve tak ah chuan hringnu ziarang hrilh hria a,zirtir tur che in i nu leh pate hi kan tling tawk lo hle tih kan in hria a,mahse min siamtu chung Pathian kutah kan hlan tawh che a.a ni chuan kawng engkimah min hruai dawn tih kan hria a ni.
Hringnun awmzia bul leh tawp hi hrefiahin hmufiah hmasa la ka duh a ni. ‘Thi turin kan nung a,nung turin kan thi leh dawn a ni’ tih hi..Mitin hian damchan kan nei theuh a,kan hmun dan leh hriat dan a in ang lo mai zawk thin.Mi thenkhat erawh chuan an damchan an hrethiam lo a anmahni nunna ngei an la thin a,a pawi tak zet zet a ni.He khawvela i lo pian chhuah ve chhan hi keinin i Nu leh Pate pawh hian a dik tak chuan kan hrilhfiah theilo che a ni.Amaherawhchu a siamtu che chung Pathian hi hnaih tlat la,zawt la, i duh leh i mamawhte thlen thin ang che..Mi tam tak chuan anmahni duh dan leh tha an tih angin hun an hmang a,an damchhan pawh anmahni tan niin an hre thin.tlirna kawng khat atang chuan a dik mai thei e.Amaherawhchu Pathian hian mihring a siam chan ber chu amah nen a in pawl tur leh he khawvelah hian mihringte hi in lungrual tak a cheng a,in hmangaih tawn a,a thil siamte enkawl turin min duh a ni tih hi theihnghil ngai suh ang che.
I hnenah hian sawi duh tam tak ka nei a,khatia Pi Evi leh Pu Adama ten Thei ei thiang lo an ei tak a vang khan,mihringte hi bawhchhe fa,sual a tlu,hremhmun kal tur kan lo ni ta a.Amaherawhchu Lal Isua krista thisenin Kross a a hnehna avang khan chatuan atan nunna kan lo nei leh ta a ni.Chu thu chu i rin a,i pawm tlat chuan a hnenah ila chawl ve ngei dawn a ni.Piantharna hi danglam hluaina lam emaw,thlarau deuh ruai lam a ni lo a,Lal Isua hi kawng leh thu tak leh nunna a ni a, ama hnen a kal lo chu tumah Pa hnrn an thleng dawn lo a ni.chuvangin amahah hian i rinna leh nunna zawng zawng lo nghat turin ka duh che a ni.A ni tak e..a lehkha thawn che hi a Pathian thu lutuk i lo ti palh a nge?Hei hi hringnun bul tan leh tawp nan hmang turin ka duh vang che a ni.
Mi tam tak chuan Khawvel hi tawp leh tenawm ,In pawngnekna a khat niin an sawi ngei ang,Amaherawh chu nang chuan an thlir dan letling chhiah hian thlir la ka duh a ni.I nu ang hian rilru tha tak nei la,midangte tan malsawmna i nih theih nan i nunah midangte tan hmun kian thin ang che.Duhamna leh Rinawmlohna hian kan Ram leh Hnam a eichhe mek a ni tih hriain Tlemte chungah pawh rinawm la,Diklo tak a sum lakluhna avang a In ropui tak neih aichuan RINAWMNA avangin rethei hi hlau ngai suh ang che.Mihausa an hlim ber lova,chutiangin mirethei poh,mahni chan tawk a lungawite hi he khawvel a miawhawm berte chu a ni.
A tawp berah chuanKeini i Nu leh Pa te hian hmangaih tawp lova kan hmangaihna che aia nasa zawk hianPathian chuan a Hmangaih che a,Hringnunah hian Harsatna te,Tawh sualte i tawk thei.I thil tih ah hlawhchhamna avang a i beidawn rum rum chang pawh i nei ngei ang.Chung hunah chuan Keini I Nu leh Pa te hi i kiangah kan awm zel a ni tih hria la,He Khawvel kan khual zinkawng hi kan lo zawh zo ta a nih pawhin Van atangin kan thlir reng thin che tih hi theihnghilh  ngai suh ang che.


Nangmah Hmangaihtute,
I Nu leh Pa

Thalai Entu,25.9.11

Editorial: Kan kohhran ah beihrual programme hun hman mek a ni a, thalaite kohhranin min beisei angin inkhawm kan tha lo thin em em a, thalaite tanlak a ngai em em a ni. A bikin Sound duty te kan mawhphurhna kan hlen tha lo hle mai a, duty tura kan inruat a nih chuan inkhawm tum hram hram thin ila, kan sound te a khawih thiam bik tan lo chuan khawih mai a rem loh avangin kan mawhphurhna a ni tih hre rengin kan duty thlah chuan inkhawm hram hram ni thei se a lawmawm ngawt ang.

Tin, Biak in chhunga kan awmdan leh kan incheidan te hi fimkhur ta ila, Biak In hi a zahawm a ni tih hre reng chungin Biak in thutthlenga ke han hlan mai te, hma a mi thutthleng va bawh run te hi a mawi lo em em a ni. Kan incheidanah dawhsan a kan lawn dawn a nih chuan T-shirt leh chapal nen a han lawn mai te hi a mawi lo a, lawn kan tum anih chuan kan inchei danah tlema kan fimkhur a tul hle a ni. Biak In chhunga track kekawr lum hak te hi rawngbawl tu tan chuan a mawi lo em em bawk a ni.

AWMNA TUR HMUN DIK

 By C.L.Remruata

II Samuela bung 11 thu kan chhiar chuan Davida leh Uria nupui, Bethsebi chungchang kan hmu a. 

Bible-a kan hmuh dan ah chuan,“Lalte indonna a an chhuah thin lai hun”ah Lal Davida chu indona hmun a kal lovin, a sipai hotu Joaba a tir a. Heng hun lai ah hian indona reng reng ah Lalte’n indo an ho ngei ngei thin ni tur a ni a. Tichuan, “A khum ata Davida chu a tho va, lal in chungah a han kal a, tin inchung atang chuan hmeichhe pakhat inbual lai hi a han hmu a; chu hmeichhia chu hmeltha tak a ni” tih kan hmu leh a. Lal Davida pawh hi hemi tum hian a sipaite bula kal lovin Lal Inah, hahdam takin a lo mu dar dar ni awm tak a ni. “Hei lehchen hi indona apiangah ka sipaite ka hruai thin a, tuntum chu kan do tur te an khirh vak lo deuh bawk a, ka tel lovin Joaba’n ho mai teh se,” a ti ni ngei tur a ni.

Mi piangthar tawh te chu he khawvel ah hian kan hmelma Setana nen nitin, darkar tin indona field ah kan inhmachhawn reng a ngai a. Hla siamtu pawhin “Sual sipai ral nen, nitin kan indo thin..” a lo ti a. Chutiang ang dinhmun a ding reng chung chuan in thlahdah a, Lal Davida ang mai a, indona rilru dah tha a, mahni hmun lum lama lo chawl der der mai thin kan awm em? Ringtu inti ve si, indo tur a duhthlanna siam tawh, Krista Isua sipai tha tak anga hreawm tuar tur a intiam tawh kan nih theihnghilh kan awm em? Lal Davida pawh hi a awm lohna tur hmuna a awm pawi zia helai thu ah hian kan hmu a ni.

Kan nitin hun hmanna ah leh kan TV /Computer/Mobile a kan en duh zawng te hian kan rinna atan min tanpui em? Pathian ka hmangaih zual zelna tur nge, Pathian hnen ata min ti hla tual tual thei tu tih hi i chhut chiang teh ang u. Kan awm hmun hi a dik em? tih i inenfiah reng teh ang u.

    Sunday School

Tantu : Pi Thangseii

         Chhun

Hruaitu : Pastor Malsawmtluanga

Tantu : Pi Lalchhandami

Thupui : ‘Chhungkua hi Pathian din a ni.’

Sawitu : Pu Zakiamlova

Zan

Hruaitu : Upa Vanlalzuia

Thupui : ‘Chhungkuaa rawngbawl’

Sawitu : Pastor Malsawmtluanga

KTP Felowship Programme

A hmun : Pu Lalchhuanawma Sailo In,VH

Hruaitu : Nl Rosalyn B Lalrintlaki

Tantu : Tv Hmingthanmawia

B/Reading : Nl R.Lalremruati

Zai hruaitu : Tv H.K Lalrindika

 Tv Rothangmawia

BEIHRUAL PROGRAMME

(Kristian Chhungkaw Hapta)

Dt.26.Sept.2011 (Thawhtan zan)

Hruaitu : Upa B Tlanlawma

Tantu : Nl Zochhingpuii

Thupui : “Inneih sawngbawl dan”

Hawngtu : Pu Lalrammawia Ralte

Dt.27.Sept.2011 (Thawhleh zan)

Hruaitu : Upa Lalthanmawia

Tantu :  Pi Halleluii

Thupui : “Nupa tanrual a pawimawh”

Hawngtu : Pi Hmingthansiami

Dt.28.Sept.2011 (Nilai zan)

Hruaitu : Upa HK Thangluaia

Tantu : Pu Laliana

Thupui : “Sum dahthat (Investment)”

Hawngtu : Pu Sangliana Varte

Dt.29.Sept.2011 (Ningani zan)

Hruaitu : Upa Laithangvunga

Tantu : Pi Lalmuankimi

Thupui : “Buhfaitham Rawngbawlna”

Hawngtu : Pi Vanlalruati

Dt.30.Sept.2011 (Zirtawp zan)

Hruaitu : Pastor Malsawmtluanga

Tantu : Pu Thanhlira Pautu

(Beihrual kharna & Khaikhawmna)

Naute nei thar

Kan Editor Pu Lalengkima te nupa chuan Fanu duhawm tak Selsangpuii an nei a, Editorial Board te chuan kan lawmpui tak zet zet a ni.

Synod Book room

Synod Bookroom ah Naupang Hla bu Pakhat Rs 60 man a awm leh tawh a ni.

Pakhatna nih lawm

Nimin khan Junior Department chuan Nuapang inkhawmpui a an pakhatna nih chu ruai nen a lawmna hun an hmang a ni.

Lusun awm

Pu Lalramnghaka Pautu Kum 36 S/o Thanhlira Pautu chu Dt16th khan Accident avangin a boral a, lusun chhungte Editorial board te chuan kan tawrhpui tak zet a, an khawhar lusun na ah Lalpa’n vengin awmpui zel rawh se.

Tawngtaina

      Biakin In bulah ringlo mi hian Zu siamna hmunpui a din luah mai a,chu Biak in a lawite chuan zu siamna hmun chu sawn bo anih theihna turin theih tawp chhuahin an tawngtai thin a.Nakinah chuan zu siamna chu trekin a deng ta hlauh mai a,a kang che vek a.Ring lo mi chuan Kohhranho mawhphurtuah puhin Court-ah akhing ta a,Kohhranho lah chuan chu chhiatna avang a mawhphurtua puh chu an duhlo nasa mai bawk si a,A tawpah roreltu chuan, “He thubuai hi thil mak ber a tlingin ka hria,ringlo miin tawngtai chhanna a ring a,ringtute lahin an tawngtai chhanna chu an pawm awzawng silo”a ti ta ringawt a ni.

Masihi Sangati Fellowship Prog.

A hmun : Reception Office

A hun : Sunday School Inkhawm ban

Hruaitu : Pu Basil Lalrosanga

Tantu : Nl B.Vanlalhumi

S/Sermon : Pu H Lalthlamuana

PA(Public Address) leh Sound fitting chungchang (Chhunzawmna...)

Tichuan Box pahnih hnunga i wire zawm sa kha i parallel dawnta a,  + leh +, – leh -  kha han tawn zawm phawt maila, (sound box pahnih kha wire hran ve ve ihmang tihna anihchu). Dar rawng leh dar rawng, rawng fim leh rawng fim tihna anih ber mai chu. Khatia kan suihzawm khan kan Parallel chu anita der mai. Ampli hnungah kan lo zawm dawn ta. Parallel Connection anih chuan Sound Box Ohms zat hi Sound Box zatin sem tur ani.

Awmzia chu 8 Ohms pahnih kan neia, pahnih anih vangin va sem emaw, puntir kher angailo, sound Box pali pawh nise parallel hmang zawm anih chuan a Ohms zat kha lakmai tur ani.  8 Ohms kan neia, Sound Box zat chu pahnih ani. Tichuan 2 in 8 kan sem chuan Pali alo chhuakta. Tichuan Ampli ah 4 Ohms ah vuah tur ani. Dar rawng lampang kha 4 Ohms ah, rawng fim kha COM ah.  8 Ohms ah i vuah daih anih chuan i Ampli chu kang kherlo mahse a chhung lamah Ampli in nasa takin a tuar ani tih hriat tur. A zawmdan a dikloh chuan a kan chhiat theih bakah Sound Box pawhin a tuar ani tih hriat atha awme.

Sound Box 2 tekhi Series Connection a kan zawm dawn chuan a Ohms zat kha belh tur ani. 8 Ohms pahnih kan neia, kan belh chuan 16 alo chhuak ta. Tichuan Sound Box Pakhat 16 Ohms kan nei tihna alo nita daih mai. Heihi hriatreng atha. Sound Box hnunga kanva zawm dan kha chu ala ngaireng tho a.

Kan series dawn chiah hian a hrui kha a pawimawh ta. Sound Box pakhat zawk atangin hrui hnih, plus leh minus a chhuak phawt a, chutiangin pakhat zawk atang pawn. Tichuan wire rawn kal hrim hrim chu hrui pali lai a awm tihna nihchu. Parallel ah kha chuan a hrui rawng in ang tekha kan thlunzawm tawpa, kan zawm thei maia, Series ah chuan Sound Box pakhat zawk atang lo chhuak Dar rawng kha Sound Box pakhat zawk atanga lo chhuakve rawng fim nen khan thlunzawm rawh le, ilo Series ta chiah tihna ani. Tichuan Wire 2 thlunzawm veloh a chuangta.

A chuang pahnih kha Ampli ah kan fit tur ani. Mahse, kan Series hnuah 16 Ohms a chhuah avangin COM leh 16 ah kan fit thei tihna nih chu. Ampli ah khan 16 Ohms a awmlo anih chuan Fit lohmai tur a ni. A chhanchu tunlai kan Sound System ah chuan 8 Ohms thleng ani tlangpui tawh.

Sound Box Pali aia tam zawm dawn chuan Series hnuah Parallel tur ani a, sawikim vek ka duha, mase chhiartu te tan a sei lutuk ang tih ka hlau deuh. Kan hmanrua tehi anihdan tura hman anihloh chuan a chhefo thin tih kan hriat atha hlemai. Vantlangina kan hman thin Horn angchi te pawh hi a fit dan han sawi kim thlap a chakawm viau mai.

Thalai entu 18.Sept.2011

 KTP Thlathar Committee thurel then khat te.


Kar kal ta thawhlehni zan khan Branch thla thar committee neih a ni a,Veng hrang hrang a Faith Promise lo luh dan chu hetiang hi a ni:-
Venghlun - `  1780/-
Hall veng - `    720/-
Venglai - ` 1650/-
Kawngthar - Nil
Total - ` 4150
Heng bakah hian Group tin atangin thla Budget ` 300 theuh lak khawm a ni bawk.
Thurel 1-na :Golden Jubilee denchhena Group zaipawl intih siakna December thlaa neih turah ‘Kristian Hla bu No 126-na ‘An hril Bethlehem daiah chuan zai ri’tih chu  thlan a ni.
Thurel 2-na :Sum tuak nan Sangha zawrh leh October thlaah Chakai chhit nise.Veng hrang hrangah Sangha lei duh tur zawt chhuak turin heng mite hi ruat an ni.
  Venghlun : 1)Pu Lalvenkima Ralte 2)Pu Lalmuanpuia Colney
3)Pu Jonathan B Lalchhanhima 4)Pu H Chanchinmawia 5)Tv Lalengmawia 6)Nl PC Lalfamkimi 7)Nl H Lalrinthari 8)Nl PC Zonunsangi 9)Nl MS Dawngzeli 10)Nl Lalbiakhlui Hrahsel
Hall Veng
1)Pu HK Lalthazova 2)Pu Lalnunkima Ngente 3)Pu Lalzomuana 4)Tv Rothangmawia 5)Nl Rosalyn B Lalrintlaki 6)Nl Lalruatkimi
Venglai
1)Pu Lalengkima Colney 2)Pu James Vanlalringa 3)Tv K Lalrinliana 4)Tv R Lalrinawma 5)Nl Lalrinfeli
Kawngthar
1)Pu Chuauhmingthanga 2)Pu Samuel Rosangliana
3)Tv F Lalbiaksanga 4)Nl Lalnunsiami 5)Nl Zochami

Ni 20.09.2011(thawhlehni) a Sangha zawrh Committee in arel chu Ramthar Committee ten an lo zawrh ve dawn avangin ahun tur hi Special Comt. ah ngaihtuah leh ani ang.

Thurel 3-na :Golden Jubilee hman dan tur chungchang Pastor leh Br OB ten ruahmanna lo siam se Committee leh ah thlir ho leh tur a ni. Sport kan neih tura intih siakna Items tur hetiang hian an thlang: 1)Inkawibah 2)Kalchhet kal 3)Football(mipa) 4)Kuta tui in thal siak 5)100m Race 6)In ban phawi 7)Insuknawr 8)Tug of war 9)ABC Race 10)Volleyball(mipa leh hmeichhia) 11)Bible Quiz,Crossword &Puzzle 12)Hmai bel in chhem thlak siak 13)Mobile Race 14)Table Tennis 15)Badminton 16)Debate 17)Extempore 18)Puan zar phena inrin siak 19)Marathon Race.

Thurel 4-na :Khawvel changkang chho zelah Branch hnathawh leh hmalakna te zau zawka tarlan anih theih nan  Internet-a Blog,Pu Lalengkima Colney-in a siam chu thain,chhunzawm zel tur a ni.

Thurel 5-na :Souvenir release hun atan ni  20.Dec.2011 Rising Day chu ruat a ni.

Pu James Vanlalringa (Souvenir Sub-Committee Chairman) atangin an hmalakna te an ngaithla a,Souvenir hi peih thuai anih theih nan chak taka hma  la zel tura hriattir an ni.

 Kohhran hun ruatna

    Sunday School

Tantu : Pi Vanlalchhuangi

         Chhun

Hruaitu : Upa C Vanlalfela

Tantu : Pu Awkliana

Thupui : ‘Ringtute tih tur-I-na’

Sawitu : Pu P C Pahlira

Zan

Hruaitu : Upa C.Zoparliana

Thupui : Ringtute tih tur-II-na

Sawitu : T/Upa C.Lalnunpuia

BEIHRUAL PROGRAMME

(Kohhran Thurin leh Kristian nun)

Dt.19.Sept.2011 (Thawhtan zan)

Hruaitu : Upa Lalthlamuana

Tantu : Pi R Laldinpuii

Thupui : “Thlarau Thianghlim leh a hnathawh”

Hawngtu : Pu Lalzomuana

Dt.20.Sept.2011 (Thawhleh zan)

Hruaitu : Upa K Ngurchhunga

Tantu :  Pu Basil Lalrosanga

Thupui : “Krista din chhuah Sakrament”

Hawngtu : Pu James Vanlalringa

(Kristian Chhungkaw Hapta)

Dt.21.Sept.2011 (Nilai zan)

Hruaitu : Upa Vanlalzuia

Tantu : Pi Lalliantluangi

Thupui : “Kristian Chhungkua”

Hawngtu : Pu Lalsawmliana

Dt.17Sept.2011 (Inrinni zan)

Hruaitu : Upa Lalthlamuana

Tantu : Nl Rosalyn B Lalrintlaki

Thupui : “Nupui pasal zawn”

Hawngtu : Pu Lalbiakdika

Pavalai Fellowship Programme

A hmun : Pu Lalsangliana In.VH

A hun :  Dt 18.9.2011 Chawhnu Inkhawm ban)

Hruaitu : Pu Lalbiakdika

Tantu : Pu R Kailiana

Bible reading : Pu H K Ramzauva

Chakna nei a piang tan hun hman tur a ni ang.

Masihi Sangati Fellowship Prog.

A hmun : Reception Office

A hun : Sunday School Inkhawm ban

Hruaitu : Pu CS Zonunthara 

Tantu : Nl Vanlalliani 

S/Sermon: Vijay Gurung

Google Transtlate hman dan..

He thil hi atha reuh em a,kan post chawng leh teh ang English erawh i thiam ve a ngai ang. English i thiam a, tawng dang i thiam loh pawn i thiam miah loh tawng in mail duh tawkin i thawn thei tawh dawn a ni.

Vai ramah kan awm a, vai nula/ tlangval han chhaih vel kan duh bawk si. Online atangin chatting kan duh bawk si. Mahse, tawng kan thiam loh a vangin ka chhaih theilo a ni ber mai. Lung ngai reng reng suh.

Singapore leh Malaysia ah zohnahthlak tam tak in awm a, China nula/tlangval chhaih in duh a, an tawng in thiam bawk si lo. Mahse lungngai reng reng suh. Nangmah tanpuitu tur thian tha, khawvel hnampui tawng hrang hrang 50 chuang thiam thian ka rawn pe ang che. Ama hnenah zir tawp mai rawh.

Ka thian rawn pek i kawm duh chuan "HELLO MY FRIEND" click tawp mai rawh.

I click zawh hnu ah, a hnuai a lem ang a rawn lang ang. Chuan, "From" ah i tawng hman tur thlang la, lem ah chuan "From English" tiin ka thlang. Chuan, tawng lo inletling tura i duh kha "To" ah thlang bawk la. Tuna entirna ah chuan, "To: Chinese (Traditional) ka rawn thlang mai mai a nih hi.
   A lehkha mai a ni lo a tawng ngei pawh a ngaihthlak theih bawk. A tawng i ngaihthlak duh chuan a hnu a speaker lem a sen a ka tih bial hi click tawp mai rawh. A tawng ri pawh a hriat thei nghal ang. 

He Blog hi Branch KTP in Official-in pawm..

He blog hi nizan Dt.13.9.2011 Branch Committee chuan Officialin a pawm a,tun atang chuan branch chanchinte,thlalak hlui  leh thu tharte atam thei ang ber post a ni tawh dawn a ni..Jubilee lawmna kal zelah Sovenior buatsaih tur pawh release a nih hun ah branch chanchin a detailin kan la post vek dawn a ni.Branch memberte pohin he blog ah hian member niin kan awmna theuh a thu thar leh Branch tan a tha tur a kan hriatte i post ve thin ang u..

My Wed Collection

Zaninah Thla thar committee nei dawn

      Zanin hian Vairengte branch KTP thla thar Committee,kohhran committee room-ah neih a ni dawn a thu thlen duh nei chuan hruaitute hnenah ziakin emaw,tawngka a hrilhin tlen tur a ni,kan branch tan a tha tur a kan hriatte,kan ngaih dan te i thawh tlang zel ang u

Mobile atang a thu post dan

He thu hi mobile atang a chhut luh a ni a,amaherawchu member nih loh chuan a post theih loh a comment chiah a pek theih a ni..email neih chuan computer atangin joint this side tihah hian click mai tur a ni.

PA(Public Address) leh Sound fitting chungchang

(He thu hi misual.com atang a lak chawn a ni a,permission ka dil rih lo a,min hrethiam ang chu mo?..)

      A thupui han en vang vang khi chuan a mika mak hrelo tan chuan chhiar a man hla lo khawp ang le. Kohhran, Thalai, leh Pawl thil hrang hrang ah a tello chuan tunlaiah chuan a kimlo riau tawh thin a, ngei ngeia hman ngai a lo nita, thingtlang khaw kilkhawr ber thleng pawhin kan hmang ta fur mai.

Khawimaw lai puipunna hmunah chuan heng PA system hi kan hmang ta zel mai a, a tangkai khawp mai. Midang tena kan thusawi leh kan rimawi chi tinreng a ni ber ang chu; anlo hriatchian theih zawk nan iti mai teh ang, heng hmanrua tehi kan hman dan chungchang sawi na hun ilo nei dawn teh ang aw!

PA System chungchang bik khi han sawi ta ila. Tunlaiah chuan Kohhran ah khawi hmunah pawh Amplifier/Stereo Amplifier/Ampli-Speaker/Active.Etc.. kan nei fur tawh hlawma, kan hmanrua neih a that leh thatloh lamthu chu sawi katum hauh lo.

Heng kan hmanrua tehi a hman dan dikin kan hmang em! Kan fitting a dik meuh em! A in match em tihlam pang kan sawi ang. Sikul naupang kan nihlai chuan Ohms Law te kan zir thina, heihi alo pawimawh kher mai. Amplifier hi kan en chuan a hnunglamah hetianghi kan hmu thinin karing – COM-4-8-16. Tunlai chhuakah chuan 8 Ohms thleng ani tlangpui tawh a. Amplifier tlema te deuhah chuan 16 Ohms tepawh ala awm.

Example han peta ila, Sound Box Biak In ah pahnih kanlo hmang ta a, kan Sound Box chu Ohms engzat nge anih tih kan hre ngei ngei tur a ni. Sound Box pahnih te chu 8 Ohms ve ve lo nita se, Amplifier ah khan khawiah tak nge kanva fit tak ang tihkha a pawimawh laitak chu a ni.

Sound Box pahnih 8 Ohms kan neih vanga Ampli hnunga COM leh 8 ah va vuah ngawt kha alo dik hauh lo mai. Sound Box Pali aia tlem hi Parallel Connection in an zawm thina, Sound Wire kha Sound Box pahnih hnungah khan han fit veve la,  sound wire hian rawng hrang ve ve anei thina, pakhat dar rawng deuh, pakhat rawng fim lampang ani a, dar rawng deuh hi plus+ lamah vuah ani tlangpui thin ani. Chutiangin Ampli hnungah pawh negative- (rawng fim zawk) kha COM (Common) ah vuah ani thin.

Tichuan Box pahnih hnunga i wire zawm sa kha i parallel dawnta a,  + leh +, – leh -  kha han tawn zawm phawt maila, (sound box pahnih kha wire hran ve ve ihmang tihna anihchu). Dar rawng leh dar rawng, rawng fim leh rawng fim tihna anih ber mai chu. Khatia kan suihzawm khan kan Parallel chu anita der mai. Ampli hnungah kan lo zawm dawn ta. Parallel Connection anih chuan Sound Box Ohms zat hi Sound Box zatin sem tur ani.

Awmzia chu 8 Ohms pahnih kan neia, pahnih anih vangin va sem emaw, puntir kher angailo, sound Box pali pawh nise parallel hmang zawm anih chuan a Ohms zat kha lakmai tur ani.  8 Ohms kan neia, Sound Box zat chu pahnih ani. Tichuan 2 in 8 kan sem chuan Pali alo chhuakta. Tichuan Ampli ah 4 Ohms ah vuah tur ani. Dar rawng lampang kha 4 Ohms ah, rawng fim kha COM ah.  8 Ohms ah i vuah daih anih chuan i Ampli chu kang kherlo mahse a chhung lamah Ampli in nasa takin a tuar ani tih hriat tur. A zawmdan a dikloh chuan a kan chhiat theih bakah Sound Box pawhin a tuar ani tih hriat atha awme.

Sound Box 2 tekhi Series Connection a kan zawm dawn chuan a Ohms zat kha belh tur ani. 8 Ohms pahnih kan neia, kan belh chuan 16 alo chhuak ta. Tichuan Sound Box Pakhat 16 Ohms kan nei tihna alo nita daih mai. Heihi hriatreng atha. Sound Box hnunga kanva zawm dan kha chu ala ngaireng tho a.

Kan series dawn chiah hian a hrui kha a pawimawh ta. Sound Box pakhat zawk atangin hrui hnih, plus leh minus a chhuak phawt a, chutiangin pakhat zawk atang pawn. Tichuan wire rawn kal hrim hrim chu hrui pali lai a awm tihna nihchu. Parallel ah kha chuan a hrui rawng in ang tekha kan thlunzawm tawpa, kan zawm thei maia, Series ah chuan Sound Box pakhat zawk atang lo chhuak Dar rawng kha Sound Box pakhat zawk atanga lo chhuakve rawng fim nen khan thlunzawm rawh le, ilo Series ta chiah tihna ani. Tichuan Wire 2 thlunzawm veloh a chuangta.

A chuang pahnih kha Ampli ah kan fit tur ani. Mahse, kan Series hnuah 16 Ohms a chhuah avangin COM leh 16 ah kan fit thei tihna nih chu. Ampli ah khan 16 Ohms a awmlo anih chuan Fit lohmai tur a ni. A chhanchu tunlai kan Sound System ah chuan 8 Ohms thleng ani tlangpui tawh.

Sound Box Pali aia tam zawm dawn chuan Series hnuah Parallel tur ani a, sawikim vek ka duha, mase chhiartu te tan a sei lutuk ang tih ka hlau deuh. Kan hmanrua tehi anihdan tura hman anihloh chuan a chhefo thin tih kan hriat atha hlemai. Vantlangina kan hman thin Horn angchi te pawh hi a fit dan han sawi kim thlap a chakawm viau mai

Thalai entu 11.Sept.2011

Editorial : Kan theih tawk leh kan thiam ang tawk a kan tih ve thinte hi tute emaw tan chuan sawisel nuam tawk lek ani fo thin a,mahse chu chu rawngbawlna a ni miau si a ni.Kohhran ah hian mize pathum langsar deuh deuh a awm thin.Midangte sawisel chingte,midangte thil tih that fak sak leh engmah sawi lem lo a anihna ang a pawm mai thin te,Chung zing a hnawksak ber chu mi dangte sawisel ching thinte hi an ni.Tunhnai ah Kohhran programme ah chut sual palh kan nei nual thin a,a pawi kan ti tak zet zet a ni.hetiang thil a lo awm hian hreawm ti bertu  chu a chutute hi kan ni thin.Inrunluih nan a chut sual luih hi chu thil tih chi a ni ngai lo a,Kohhran hruaitute pawh hemi chungchang ah hian kan tawngkam hman fimkhur a tha hle mai,Kohhran hruaitute hi kohhran mipuite thawi dam zawk tur beisei kan ni.Zilhnate,fuihnate,thurawnte hi chu a tute pawh hian dawn leh pawm harsa ti kan awm lovang,amaherawhchu in sawisawp leh a mualpho zawng a in chuah fo hi thil tha ber  niin alang lo.Khawvel a kan la awm chhung hi chuan tih diklohte leh tih sualte hi kan la nei fo dawn si  a.Kan Lal Isua ngeiin ‘Sawisel suh  u,sawisel a in awm loh na’n.In sawisel ang bawkin an sawisel ang che u;in tehna ngai bawkin an teh sak leh ang che u’. ti a zirtirna dawngtute kan ni tih i hre thar leh teh ang u..

Kohhran hun ruatna

Naupang Inkhawmpui Programme

Pathianni Chawhma

Hruaitu : P/P Jimmy Malsawmdawngliana,

 Bial Chairman

Tantu : Intermediate Dept.zirtirtu,

 Hmar veng Kohhran

Intihsiakna: Beginners Dept.leh Primary Dept.

Pathianni Chawhnu

Hruaitu : P/P Jimmy Malsawmdawngliana,

 Bial Chairman

Tantu : Junior Dept.zirtirtu,

 IOC veng Kohhran

Intihsiakna: Junior Dept,Intermediate Dept.leh

 Sacrament Dept

 Pathianni Zan

Hruaitu : P/P Jimmy Malsawmdawngliana,

 Bial Chairman

Thusawitu : P/P Jimmy Malsawmdawngliana,

 Bial Chairman

Zaipawl : Bial & Vairengte Kohhran

Result puan leh lawmman sem

Lawmman semtu Upa Lalthanmawia,Bial Sunday School Secretary kal chhuak.

BEIHRUAL PROGRAMME

(Kohhran Thurin leh Kristian nun)

Dt.12.Sept.2011 (Thawhtan zan)

Hruaitu : Upa T.C Zothanga

Tantu : Pu Chuauhmingthanga

Thupui : “Rinna leh thiltih tehna diklo theilo”

Hawngtu : Pu Ch.Lalbiakchhunga

Dt.13.Sept.2011 (Thawhleh zan)

Hruaitu : Upa B.Tlanlawma

Tantu :  Pi Thangkimi

Thupui : “Pathian pakhat chauh biak tur”

Hawngtu : Pu V.L Tana

Dt.14.Sept.2011 (Nilai zan)

Hruaitu : Upa Lalthlamuana

Tantu : Pi Tlanchhungi

Thupui : “Pathian Pakhat a minung pathum”

Hawngtu : Pu Saidawla

Dt.15.Sept.2011 (Ningani zan)

Hruaitu : Upa Lalthanmawia

Tantu : Pi Lianchhingpuii

Thupui : “Mihring,Pathian anpuia siam”

Hawngtu : Pi R C Lalawmpuii

Dt.16.Sept.2011 (Zirtawp zan)

Hruaitu : Upa H.K Thangluaia

Tantu : Pi Lalnuntluangi

Thupui : “Mihring sual a tluk thu”

Hawngtu : Nl Zochami

Dt.17Sept.2011 (Inrinni zan)

Hruaitu : Upa Laithangvunga

Tantu : Pu C Lalropuia

Thupui : “Isua Krista leh a hnathawh”

Hawngtu : Pu H Chanchinmawia

Senior Inkhawmpui Programme

A Hmun :Vairengte Chhimveng Kohhran

A hun :Dt16-18,Sept.2011

Inkhawmpui hi Speaker neih tur a ni.

Dt 16.9.11(Zirtawp Zan)

Hruaitu : P/P Jimmy Malsawmdawngliana,

 Bial Chairman

Tantu : Senior Dept.zirlai,

Vairengte chhimveng Kohhran

Inlawmna leh report ngaihthlak a ni ang.

Zaipawl : Bial Zaipawl

Thusawitu : Speaker

Dt17.9.11(Inrinni Zan)

Hruaitu : P/P Jimmy Malsawmdawngliana,

 Bial Chairman

Tantu : Senior Dept.zirlai IOC veng 

Intihsiakna: Hla

Thusawitu : Speaker

(Sunday Programme chu karlehah chhun zawm 

a ni a ng)

Naupang Khawmpuia Usher turte

Conviners : James Vanlalringa

Mipa :

1)R.Lalrinawma 2) C.Lalnunsiama

3)P.L Zomuanpuia 4) Hmingthanmawia

5)C.Lalnunmawia 6) Jerry Lalrammawia

7)R.Lalnunpuia 8) Ady Lallawmkima

9)Lalnghakliana 10)H.Lalmalsawma

Hmeichhia :

1)H.Zodinpui i 2)Annie Lalrinliani

3)Lalrinfeli 4)P.C Zonunsangi

5)Lalnunhlui 6)Helen Vanlalruati

7)Lalthanghlui 8)Maria Lalrinawmi

9)Rita lallawmthari 10)Rosy C.Lalrindiki

Heng Usher tur a ruat hote hi Kohhran Inkhawm dar rik hmain Biak Inah thleng vek tawh tur a,beisei kan ni.

Thingphurh hnatlang 

Dt12.9.1(Thawhtanni) a Kohhran Hmeichhiaten Thingphurh hnatlang neih tur a ni a, Veng hrang hranga thingpui lum turte :-

Venglai : 

1) Pi Vanlalbiai 2) Pi Nghinglovi

3) Pi PC Ngurthangmawii 4)Pi Vanlalremi 5) Pi Lalmalsawmi

Kawngthar : 

1) Pi Hmingthangi 2) Pi Lalnii

3) Pi Lalnunpuii 4) Pi Vanlalhruaii

5) Pi Lalengmawii

Venghlun : 

1) Pi PC Thangluri 2) Pi Vanlalfeli

3) Pi Zothangmawii 4) Pi Lalramchuani

5) Pi Vanlalchhuangi

Dt 25.9.2011 Pathianni chawhma inkhawmah hian Kohhran Hmeichhiaten Tihrkoh chawmna sum atan Thiamthil thawhkhawm nise tih a ni a.Thiamthil neilo pawhin,mahni tih thei zawng ngaihtuah nise,kan thawh khawmte Inkhawm banah tih ral nghal tur a ni.

LIGHT & SOUND HNATLANG 

Nimin khan Light & sound Committee memberte chuan Trek danna siamin hnatlang an nei a,Trek hian kan Generator leh Inverter te poh alo deng che tawh a ni.

Khawngaihna Mak mawi leh duhawm..

Kum 1988 a ni a, South Africa mihang hovin mingo te rahbehna lak ata tal chhuah tuma an beihna chuan a vawrtawp a thleng chho mek a, mihang hruaitu ropui Nelson Mandela pawh mingo sorkar-in kum 26 zet Taninah an khung tawh a ni. Mihang te rahbehna thleng mek khawvel mithmuha phochhuak tur leh Nelson Mandela chhuah zalen tura nawrna ni pahfawmin June 11, 1988, Nelson Mandela kum 70 tlin champhaphakah London khawpuia an Stadium chhuanvawr, Wembley Stadium-ah Free Nelson Mandela Concert ropui tak an buatsaih a. A hun laia zaithiam lar leh Rock Band engemawzat an fuankhawm a ni.Mi sing tam lenna Wembley Sta-dium-a leng lo mipui an pungkhawm a, Rock Music ri bur bur karah zu leh drugs rui phual tawh mipui sahawk an phu luilui a. Chutihlai chuan mihang nula, Jessye Norman-i chu African kawrfual tle zak mai Dashiki hain Stage-ah a lo pen chhuak a. Spotlight eng bial kulh mai chuan chu mihang nula lian tak, puibawmtu Band emaw Musical Instruments emaw tel hauh lova amah chauhva lokal chu a chhun a. Rock Music-in a bual at mipui zingah Opera zaithiam Jessye Norman-i hmelhriattu reng an awm lo. Mipui bengchheng ri nuaih nuaih karah pa pakhat hian ring zetin, “Guns & Roses” tiin a rawn au a, chu chu midangin an zawm chhunzawm ve bawk a. Jessye Norman-i chuan aw tliang mawi tak, rimawi tel hauh lo hian he hla hi a rawn sa a :

Khawngaihna mak mawi leh duhawm,
Sual riangvai chhandamna;
Suala bo hnu min zawng hmu ta, 
Mitdel mitvarna chu. 

Wembley Stadium-ah chuan thilmak a lo thleng ta! Awmngaihna hre lo mi 70,000 pungkhawm chu khap ngai miah lovin thawklehkhatah an reh ta thuap a!

“Hlauhna hmuna ka awm min hrilh,

Ka hlauh min hnehsak ta...”

tia chang 2-na a sak thlen chuan mipui chu Norman-i kutah an awm vek tawh. Chang thumna a sak thlen meuh chuan mipui sing tel teh meuh chuan an hriatrengna kil khata lo la chambang ve hram hram hla thu chu an phawrh chhuak a, Jessye Norman-i zai chu an zawmta thup thup a. Khawngaihna chaka tuihal khawvel hian Khawngaihna mak mawi leh duhawm hmaah sawi tur reng a neilo.

Lehkhathawn Ropui..

I tawrhna ka hriat thiampui che ka ti lo,

Fa ka la chan ve lo tlat.

I rilru poh a dam mai ang  ka ti dawn lo,

A dam mai dawn tlat lo.

Vanramah a awm tih pawh sawi chhen ka tum lo,

a awm tih hre mah ila,I bul a awm turin I duh tlat si.

Vawiin ah theilo mah la,engtik niah emaw chuan,

a aw te hriain a hmel I hmu leh tur thu ka hrilh dawn lo che.

A awm tawhlo a ni tih I pawma hmalam thlir turin ka fuih dawn lo che,

I thei mai dawn chuang lo.

In hun lo hman dun zawng zawngte hlutzia hrilh che hi thil awlai a ni lo,

I la kham lo em mai!

Ngai I awh leh hun ka nghakhlel lo,

I awh tawh dawn chuang lo.

Mahse hei hi ka sawi thei,

I bulah ka awm reng ang.

A chanchin leh in hun hman hlu tak takte i  sawi a piangin,

Ka ngai thla ang a,i tah leh ka tah pui ang che.

A hming sawi ka bang lo ang,

Chu chu ni tinin i thil hriat chak ber a ni si a.

Eng tikah mah ngai i awh leh tawh dawn lo tih kan hria,

Mahse hei hi kan thlir reng ang,

Ngaiawh aia tha zawk, ‘Mithar’ I nih hun lo thlen ni chu.

Tv F.Malsawma poh a in theh tril nasa khop mai he mi zan zet chu....

JUBILEE LAWMNA NEI DAWN

Vairengte Branch KTP chu a din tirh atang a kumin hi a kum 50-na Golden Jubilee kum a ni a,Hmun hrang hrang a member awmte leh member loni tawh thin ten December thla ni 20 hian a lawmna kan nei dawn a,he hunah hian lo tel vek turin kan in sawm tak zet zet a ni.He Blog poh hi chu mi pual a siam chu a ni.Programme kimchang chu hun dangah kan la post dawn nia.

Window password Recovery

He thil hi website dang ami ka copy chhawn a ni a,kan duhin kan hman tangkai ngei ka beisei a nihe software hi Windows administrator password leh thil dang User password kan theihnghilh changa min tanpuitu tur software tangkai tak tur chu a ni. He software hmang in a password theihnghilh pawh i Reset/ Remove thei vek ang. Folder chhunga awm ISO file kha CD nen Burn a Restart in awlsam takin a hman theih niin a lang.

 

Thil tha leh tangkai tura ka hriat a vangin ka rawn post chhawng mai mai a ni e! Keimah in ka la hman rih loh a vangin, a hman dan tur Guide ka rawn ziah theih dawn lova, a pawi ka ti khawp mai. Mahse, a software ber a awm tawh chuan, i zir chhuah theih ngei ka ring.

 

Password theihnghilh hmang, Mi haihotte thian a nih dawn ber hi maw! 

 

Mediafire nena download duh tan CLICK HERE

Ifile nena download duh tan CLICK HERE