thalai entu 25.12.11

KRISMAS LEH KUMTHAR INBUATSAIH NAN

Kan thupui khi i chhiar fuh lovin ka hria; a ziah chu kan ziak sual lo. Thurûk(secret) tiin i chhiar tlat tiraw? A ni chiang alawm; inzêp lo mai teh; ka hre reng a nia aw. Mahse tûna sawi ka tum chu thurûk(secret) ni lovin thu Pali(Four Words) zâwk a nia. A enga pawh chu ni se he article i chhiar chhuah hmaa i khup hmak chuan mi thinchhe over, dawhthei lo uchuak takah ka ngai hrim hrim ang che. Han chhiar zel phawt teh, ka’n sawi zel ang e.
1. Sex : Sex hi hman ve chhin i châk ngai em? I châk a nih pawhin i demawm miah lo a nia; mihring pangngaia piangte nihphung tura khuanu duan a ni miau a. Mahse han ngaihtuah chiang mah teh, mihringin kan damchhungin hunpui pathum(pian ni, inneih ni, thih ni) chauh kan nei a. Hêng zînga ropui ber, mahniin kan hriat theih chhun chu inneih nî chauh hi a ni. A ni lo’m ni? Tu nge mahni pian lai hria? A nih mahni thih lai pawh tu nge hre thei ang? Inneihna chauh hi keimahniin kan hriat theih, kan hringnun tifamkimtu pawimawh tak a ni a. Chutiang taka kan hringnuna pawimawh inneihnain a kèn tel pakhat chu sex a ni tih i hre tawh tiraw..? Nupa k^ra hman tura duan bik a nia tlat. A nih, mi mutpui tawh hnu nge nupui/pasal atana i duh ang, la virgin? Tûn Krismas-ah hian sex vawi khat chauh pawh lo hmang chhin ta la i la virgin leh theih i inring em? A theih tawh dâwn teuh lo asin. I ngaihzawng, nangmah hmangaihtu emaw i tih, sex hmanpui duhtu che khan nakin lawkah a hmusit dâwn che tih hre reng rawh aw. Nula virgin Mari’n Isua a hrin champhaphâkah hian i virginity i hloh a nih chuan i damchhungin i nunah ser nung a insiam ang a, mahni inrintâwkna leh mahni inngaihsanna(Self-esteem) i hloh kumkhua ang a, siam\hat leh tum mah la i siam\ha thei tawh lo vang. National Longitudinal Study of Adolescent Health tarlan dân chuan American tleirawl maktaduai hnih chuang lai chu sex-a insûm turin tunhnaiah an intiam asin. I intiam ve ngam em? Midang tân a ni lo, nangma nunkawnga hlimna leh zahawmna kailawn pawimawh tak atan a ni zawk. Vawi khat tih chhin a pawi teh a nia; Mizorama AIDS veitu 64.8% chuan sex an hmansual vàng a ni asin(Ref. The Zozam Times, vol.VI, Issue No 140, Dec.1, 2011.).
         2. Zu : Kum tin America-ah zu vàngin mi nuaih 1 an thi ziah a, dollar maktaduaih 120 an sêng ral ziah a, mahni intihlum 66% pawh zu vàng a ni a, pawngsual 50% pawh zu vàng a ni a, rûkrûk 70% pawh zu vàng bawk a ni. Heti chung hian zu hi \ha i la ti em? Benjamin Franklin

chuan, "Zu hehna hian mi tam tak mi â-ah te, ramsaah te, ramhuaiah te a siam," a lo ti thlâwt mai; a dik ngawt mai tir’u. Nu leh pa, zu in \hinte hian an fate hnenah, "Zu hi in ve ngei ngei rawh, a \ha teh a nia," an ti ngai miah lo asin. Zu in mite hian zu hi an fak viau \hin a, mahse an nun zahawmna leh hmêl mawina zawng zawng nen zu chuan a ei ral a ni tih an haider lui tlat \hin si. Kan nun zahawmna tehtu hi mi dang an ni a, a tehfung chu kan nun dan a ni si a. Zu farkhat tê mah a luh lohna kâ neitu i nihna kha nakin lawka nangma nun i ngaihsanna leh i inrintawkna belchhahtu a ni ngei ang tih hria la, insum tlat rawh aw..

3. Cool : Tunlai tleirãwl tam takin cool an tih mai, corex, nitrozepam, diazepam adt. an hman sual nasatzia hi aw.. Hei hian puitlin hnuah mipa tân sex-ah harsatna a siam thei a, hmeichhe tân pawh hnute leh taksa pêng dang bâkah rilru lam thlengin nghawng \ha lo tak a thlen thei a ni tih hriat a \ul asin. Hetiang hian i thahrui chak tak i eichhiattir mai dâwn em ni? I va uiawm dâwn ve aw... I inchhir lutuk ang e.. 4. Awmna hmun dik : Kuminah hian khawiah nge urlâwk zân leh kumhlui thlah zân te i hman ang tih ka hre châk ngawt mai. I nu leh pa thlazar hnuaiah awm la, khitiang thil pathum khi i tih ka ring lo. I awmna hmun a dik loh chuan sual tura thlèm i awlsam sawt dâwn a. I awmna hmun kha pawikhawih remchanna hmun a nih ngat chuan i tum sa vàng pawh ni lovin sualkhur thûk takah chuan i liam vawn vawn mai ang. Krismas leh kumthar-ah hian i awmna tur dik thlang thiam la, \hian sual leh hmun him lo a\ang chuan inthiarfihlim daih rawh. Tichuan, rilru hrehawmna thlentu awm lovin damchhung hun i hmang thei dâwn zu nia. Nun uluk loh avanga dinhmun daipelhte tawrhna rapthlak tak a\ang hian inhmuhchhuah nachang hriat a hlu teh a nia; mahniin a pawizia hre tura tihchhin ve chi a ni miah lo; taksa leh thlarau boralna kawng a ni.

      A tawp berah chuan : Hei hi inzawt ang u, Mipa dik tak nih kan duh em? Hmeichhe duhawm, mipate rilru hneh tak nih kan châk em? A harsa miah lo. Mipa dik tak chu thil \ha lo laka inthiarfihlim ngam, mahni inthunun thei, sualkawng tlansan ngam, mahni chauh pawha nunkawng \ha zawh tlat ngam khawpa huaisen te hi an ni a. Hmeichhe duhawm, mipate rilru hneh \hintu chu mahni nun vawng uluk mite hi an ni. Krismas lo thleng turah hian eng mi nge i nih a lo lang dâwn. Harhfima hunpui hmachhawn ngam lo, ruih kher tur emaw ti khawpa mi dawihzep an rawn inlâr leh sup sup dâwn a. An nun i siam\ha thei dâwn lo a nih chuan chutiang mi chu kawm duh miah suh; an hruaisual theiha i lo awm lek phei chuan i hma lawkah ‘Way to the hell’ tih a lo inziak vat mai ang. He hunpui lo thlengah hian thil sual tih i duh loh avanga i ngaihzawng emaw, i \hiante emaw, i nu leh pa emaw vànga i rilru a nâ a, lungngaihna leh rilru hahna nasa tak i nei a nih chuan nangmah \anpui peih Counsellor an awm tih hre reng la, Pathian i lamah a \ang tlat a ni tih chhinchhiah bawk ang che. Isua tel lovin hlimna a awm lo va, Isua nen erawh chuan engkim hi hlimna a ni thung asin. Aw le, he thu chhiartute zawng zawng, Pathian duhzâwnga Krismas leh Kumthar hmang turin duhsakna sâng ber ka hlân a che u...

KRISTMAS LEH KUMTHAR CHHUNG A USHER TURTE

Biakin dar rik hma a kim vek tur a ni..

Conviners :Pu James Vanlalringa,

Pu Lalengkima Colney

1)Tv R.Lalrinawma 2) Tv C.Lalnunsiama

3)Tv Lallawmawma 4) Tv Hmingthanmawia

5)Tv C.Lalnunmawia 6) Tv H.Lalmalsawma

7) Tv Lalchhuanmawia 8) Pu T.C Lalnunkima

Hmeichhia :

1)NlRosy C.Lalrindiki 2)NlAnnie Lalrinliani

3)Nl Lalrinfeli 4) Nl P.C Zonunsangi

5)Nl Lalthanghlui 6)Nl Maria Lalrinawmi

7)Nl P.C Lalfamkimi

KAWNGTHAR VENG BRANCH CHURCHKRISTMAS LEH KUMTHAR CHHUNG A USHER TURTE

Biakin dar rik hma a kim vek tur a ni..

Mipa

1)Tv Lalrinngheta 2) Tv Ngurnunmawia

3)Tv P L Zomuanpuia4) Tv R Lalthakima

Hmeichhia

1)NlRosalyn Lalrindiki 2)Nl Lalhriatpuii

5)Nl Lallawmzuali 6)Nl Lalhruaitluangi

7)Nl Lalrinkimi

LAWMTHU SAWINA

Pu Vanlalmuana te chhungkua ,Kawngthar veng in Inverter leh Biak In a pangpar khawi tur leh Pu Laltana te chhungkua,Bangla vengin Plastic Chair 12 an pek avangin Kawngthar veng Branch Church-te chuan an chungah lawmthu an sawi tak zet a ni.

HERMON DAIFIM (Jubillee Special Bulettin)

Kum 50 lai kan lo ni ve ta!

             Pathian venleh kaihhruaina azara mei mit lova Vairengte Kohhran Kristian Thalai Pawl-in Kum 50na (Golden Jubilee) lai a lo thleng ve ta reng mai hi dam taka he hun hmangtute kan vannei zual bik hle mai. Mizoram Presbyterian Kohhran ‘Tlangau Bu’ a alan dan chuan Vairengte Kristian Thalai Pawl hi kum 1954-a din ni hial tawhin a ngaih theih a. Vanduaithlak takin Mizoram chu buaiin a tuam mup mup ta mai si a. Sipaiin in te an halsak hlawm a, Minute Bu an neih ve ang angte pawh a lo bo zawh tak avangin chiang takin hriat theih a ni ta lova. Hruaitu hlui thenkhatte pawhin kum 1958-ah te pawh KTP hi ding tawh ngeiin an sawi bawk thin. Hun a lo kal zel a, kum 1960-a Kolasib a Presbytery hmanga kal thalaite chuan haw thuai thuaia KTP din ve chu an chakin an thlahlel hlawm hle ta mai a. Kohhran hruaituten ngun taka an ngaihtuah hnuin kum 1961 khan Vairengte Kristian Thalai Pawl chu a lo piang ve ta a ni. Engpawhnise, he champha phak ropui leh lawmawm tak kan thlen theihna tur hian kan Kohhran hruaitu hmasa, mual liam ta te kha an lo va huaisenin Pathian thu an lo awih thin awm hle mai. Sipaiin kan Biak In luah an tum pawhin Upa Sanga’n luah a phal hlek lo mai a. Sipaiin silaia an tin fur pawhin a zam chhete lo! “Pathian Biak In anih hi.” a ti tlat mai si a, an luah ta lo a ni.

Krista avanga martarte thisen a luang thlawn ngai lo ang bawk hian khawi kohhran pawh hi a hruaituten huaisen leh tih tak chunga Pathian rawng an bawl tlat chuan chuan lo la awm zelte chuan mei mit lovin vawiina kan lawm mek - eng champha phak emaw chu kan lo thleng ve thei ta thin a ni.

Vawiina kum 50-na Jubilee lawm tura local zawng zawng, mikhual leh khawtual mite, thlarau leh tisa lamah tlai leh puar taka he hun hi hlim taka hmang theuh turin Editorial Board, ‘Harmon Daifim’ Special Bulletin chuan duhsakna sang ber kan hlan a che u.

Kan lawm e.

EDITORIAL :-

             Tlumtea thlira kan lo thlir thin leh kan nghahhlelh em em Vairengte Branch Kristian Thalai Pawl din champha phak vawi 50-na chu Pathian ven leh kaihhruaina avang liau liau vin kan lo thleng ta reng mai. He hun ropui leh chhinchhiah tlak kan thlen theihna tura hma lo latu leh hnarkaitu, kan Thalai Hruaitu hmasa ten Pathian tih chunga rawng an bawlna rah chhuah liau liau a ni tih hi theihnghilh lovang u. Keini Jubilee lawm mektute pawh hian kum25 dang lo la kal leh tur te, kum 50 dang lo la awm leh zel tur thlengin Thalai ten Lalpa rawng kan bawlna kawngah hian engtiangin nge chhuan lo la awm lehzel turte chu thil tha kan hnutchhiah ve ang le ?. He khawvelah hian engnge kan damchhan ni ta ber ang? Nung turin kan eiin kan in a, thlansa phulkaiin kan thawk a. Kan la thi dawn tho mai si a. Rawngbawl tura chhandam Thalaite kan nih ang ngei hian Krista rawngbawl hna chhunzawm chu kan damchhan chu a ni ber mai.

**THUNAWI**

#           Kum 1967 khan Dimaichanpur-ah School din an rawt a.Amaherawhchu,an khaw headmaster-in alo rem ti tlat lo mai a.Anni hi Faihriam hnam an niin hemi kum vek hian  hian Kristianah an inlet vek a ni.

#           Kum 36-lai liam ta ah khan..KTP minute-te chhiarchhuak turin Chairman chaun Secretary a sawm a Anin        mek lain Chairman-in engemaw lai sawisel turte a awm em? Ti a memberte a sawm chuan member pakhat chuan ‘chutilai chu kan rel anglo deuh a niin ka hria’ a rawn ti dek dek a.Chuveleh Secretary chuan’Engatinge a tirin in sawi loh’,tih leh chulai minute chu  pawtsawm a rual ta mai a ni awm e.An Committee thlenin Upa ? Khum atanga rawn thochhuak meuhin  rawn rem hial an ngai nih awm chu !!!

# Kan Branch Leader pawh a thisen pe tur, hlau leh huphurh lutuk vang nge ni a B.P a check a, a hma zawng pawha Normal reng kha chawplehchilhin a sang nghal thut mai....!

# Vawin Jubilee Ruai atan hian Bawng thau tak pahnih (2) leh Vawk lian tawk tak (46”) pakhat talh a ni a. Bawng hi Rs.25,000/- man a ni a, Vawk hi Rs. 14,000/- man a ni bawk.

# Kan Branch hruaitu lo ni tawh zawng zawngte Jubilee min hmanpui tur hian kan sawm a, khualkhua leh khawchhung atanga Jubilee min hmanpui tura hun hlu tak senga lo kal zawng zawngte chungah lawmthu kan sawi a ni.

# Upa K.Lalrammawia, Bawngkawn (Kum 1976-a Branch Secretary lo ni tawh)chuan Souviner Sub-Committee-te tanpui nan Rs 500 lai a pe a,A chungah Souviner Sub-Committee te an lawm hle a ni.

Jubilee puala thil tih hrang hrangte

 1.Jubilee puala thingphun : Dt 12.7.11 a Branch Committee in Jubillee pual a thing phun nise ti a lo rel tawh angin Thlanmual No.1 ah thing phun hnatlang hi neih a ni a,memberte an thawk chhuak tha hle a ni.

2.Internet-ah Blog siam : Khawvel changkang cho zelah kan Branch pawhin kan chanchin leh hmalaknate zau zawk a tarlan anih theih nan Internet-ah blog siam a ni a, vairengtebranchktp.blogspot.com-ah lutin kan Branch chanchinte leh Kohhran chanchinbu ‘Thalai Entu’ te pawh internet lam atang pawh a en theih a ni.

3.Chakai meichherchit : Dt 4.10.11(thawhlehni) khan Kan branch KTP chuan Chakaichit in inhlawhna neih a ni a,hetah hian member 30 vel lai an thawkchuak a ni.

4.Car flag zawrh : Dt.7.11.2011(thawhtanni) zan atang khan kan Branch Golden Jubilee lawmna tur a tan Car Flag zawrh a ni a,Hetah hian memberte an thawk chuak tha thei hle a,member thawkchhuak zawng zawngte chungah branch hruaitute chuan lawmthu an sawi a ni.

5.Bethel neih : Dt 26.11.11(Inrinni) zing dar 9:30 khan Branch Committee in a lo rel tawh angin, nilengin bethel neih a ni a, he hunah hian member 21 an kal a, Pu Lalrammawia Ralte Branch Leader in kaihruaiin, Pu Lalzomuana Treasurer in hun tawp a kaihruai ve thung a ni.

 6.Jubilee meidet : Dt 5.12.2011 khan Pro-Pastor Jimmy Malsawmdawngliana’n kan Jubilee mei hi min det sak a ni. Jubilee Meidet alh hlep hlep reng hi mei alh tak tak ni lovin, electric current hmanga light-in Ribbon sen a chhun en, chhung lam atanga thli insiamin a rawn chhem chhoh avanga meialh anga lang ta mai a ni a. He Meichher / Light Flame hi Zoen Electrical Store, Aizawl atangin Rs. 1100/- a lei a ni.

7.Thinglak Hnatlang : Golden Jubilee lawmna atan thing tuah tur lak nise ti a Branch Committee-in alo rel tawh angin Dt 3.12.2011(inrinni) khan Pu Lalnunkima Ngente huanah thing hi lak a ni a,he hunah hian member an thawkchhuak tha hle a ni.

8.Golden Jubilee Souviner siam/Buatsaih : Golden Jubilee Souvenir mawihnai leh zahpuiawm loh tak mai chu chhiar theihin peih a lo ni ta reng mai a. He Souvenir chhuah a nih theih nan hian a buaipuitu - Souvenir Sub-Committee ten theihtawp chhuahin hma an la char char a, an ni zarah Souvenir changtlung tak kan neih theih phah dawn a, an inpekna ah an fakawm hle a ni.

Mawi taka Souvenir  min chhutsak tute hi Loisbet Print & Publication, Chanmari, Aizawl te an ni a, an ni hian a cover design pawh min tihsak nghal bawk.

Souvenir kan chhuah theihna tur atana Article tha tak tak min ziahsaktute chungah lawmthu kan sawi tak meuh meuh a, tin, a senso phuhrukna tura Advertisement min petu, mimal leh sawrkar Department te chungah pawh lawmthu kan sawi bawk a ni. He Souvenir-ah hian Article sawmpakua (19) awm a, Branch O/B chanchin tawi bakah Jubilee Sam leh Jubilee hla a awm bawk. Tin, Advertisement hi mimal leh sawrkar Department atangin 37 lai kan hmu a, Display ngailo, sum faia min tanpuitu 4 a awm bawk a ni. Advertisement atang hian a vaiin Rs. 56,400/-  (Singnga Sangruk Zali) zet kan hmu thei a, lawmawm kan ti hle a ni.

Souvenir hi Offset-ah Bu 500 chhut tir a ni a, bu khat hi Rs.104/-(Za pali) anga chhuttir niin a vaiin Rs.56,400/- (Singnga Sangruk Zali) sen ral a ni. Branch Committee chuan Souvenir hi member zawng zawng ten kan lei theih turin a man hi Bu khat Rs.70/- a hralh / zawrh nise a ti a, member tin te pawhin lei theuh i tum ang u. Souvenir hi Dt.20.Dec.2011 kan Rising Day niah Upa K.Ngurchhunga (Kohhran Representative) in min tlangzarh (Release) sak dawn a ni.

Vairengrte Branch, KTP Golden Souvenir hi Souvenir dangte nena khaikhin pawhin a zahpuiawm loh khawp mai a. A Bu chhung Article / Thuziak te hi a ziaktute enin thu tha, rotling leh ngaihnawm tak tak, nun kaihruaitu atana tangkai tak vek an ni a, chubakah a paper quality a thain belhchian a dawl hle bawk a. a cover design pawh a mawi hle a ni. Hetiang lehkhabu tha leh rotling, Rs.70/- leka lei theiha a awm hi kan vanneiin Kohhran chhungtin ten lei theuh i tum ang u.

9.Group Zaipawl Intihsiak : Golden Jubilee pualin Dt 11.12.2011(Sunday) Chawhnu khan Biakinah Group hrang hrangte Krismas hla ‘Chungnung berah ropui rawh se’ tih hla Z.T Sangkhuma a phuah hmanga intihsiak a ni

10.Jubilee Lungphun : Jubilee Lungphun mawi tak hi Granite-a siam tir niin, a siamtirna man ah hian Rs.5000/- lai sen a ni a, Aizawl,Chanmari ami ten min siamsak a ni.

 

.11.Blood Donation Camp : Dt. 12.12.2011 (Monday) khan Golden Jubilee denchhenin / pualin Blood Donation Camp hlawhtling taka neih a ni a. He Blood Donation Camp-ah hian Thalai Member mi 50 laiin thisen an pe a, chung zingah chuan mipa-26 leh hmeichhia -24 an ni. Thisen la tur hian Kolasib Blood Bank atangin thawktu mi 8 rawn kalin Revival Centenary Hall-ah an rawn la a ni.

Tlawmngaia Thisen petu zawng zawngte chungah Branch Committee chuan lawmthu a sawi tak meuh meuh a ni.

12.Biak Inah Flag tar Sawmnga Tar : Biak In leh a sir vel a Flag rawng chi hrang hrang tar hi a vain Flag sawmnga(50) chiah chiah a ni a.Reception Office chung a KTP Flag karchehtu flag pali(4) te hi KTP Group pali(4) te rawng Isaia(a pawl),Jeremia( a hring),Ezekiela(a var),Daniela (a eng).

 

Kum chhinchhiah tlakte

* 1969-ah KTP Seal neih tan a ni.

* 1970-ah KTP inkhawm hun atan Thawhtan Zan hman tan a ni. BSI ah Life Member a ni. Zaipawl intihsiakah 2-na an ni.

* #     5/8/1975 Zanah Chawkidar in inkhawm dar a vuaksak duhloh avangin Comt. ah an rel a, Kohhran Comt. ah dar vuak sak tawh tura hrilh turin an rel.

* 17/12/1975 ah KTP in rel tan a ni.

* 1976 ah KTP tawngtai Inkhawm (KTP Felowship) chawlhni chawhnu inkhawm banah an nei tan.

* 1977 KTP Magazine lak tan a ni.

* 21.12.1976 Zanah sum tuak nan KTP in ‘SETANA LEH A HOTE INKHAWMPUI’ tih drama an chang a, Rs 600/- an hlawh.

* 1977 ah Chhimveng Sub-Branch din a ni.

* 9.3.1981 ah KTP inhmun leh Pu Laithangvunga inhmun chu Kohhran Comt. in a inthleng tir.

* 1985 ah Faith Promise khawn tan a ni.

* 1986 ah Branch KTP weekly news tih chhuah leh a ni a, a hmingah ‘THALAITE THIAN’ tih a ni.

* 1989 ah KTP ‘News Paper’ monthly a chhuah a ni a, a hming atan KTP tih a ni.

* 1980 ah BSI ah Patron Member a ni.

* 6.10.1990 ah Keyboard Rs 6500/- man lei a ni.

* April 191 ah Type Writer Rs 3400/- man lei a ni.

* 9.8.1994 Committee-ah Feb Ni 20 chu Branch Rising Day atan a pawm.

* Tuna kan Chanchinbu chhuah lai ‘Thalai Entu’ hi hemi kum vek hian chhuah tan a ni.

* 12.9.1998 khan Aitlang lui-ah chengkawl khawrhin Branch sum tuak hnatlang neih a ni.

 

* 31.10.98     khan ruih hlo ngai te pualin High Sikul tuikhuah-ah an Picnic.

* 11.4.2000   ah Branch KTP hmingin Tirhkoh pakhat (1) rawih an rel.

Enge an sawi?...

» Mi Group Leader te chu Insuknawr-ah Pakhat na te an ni a, kan leader chu a tel ve theih na tur Member inchhiar-ah a tlai zel bawk si a, Bible Quiz-ah tal a inbuatsaih that kan ring a, vawi 1 a risk-a, a la risk dik lo zui.

» By Nl Lalruatkimi Treasurer Jeremia Group

» Kan Souvinir Chairman hi chuan nuam a ti satliah pawh a ni lo, a hak in a hak a ni.

» By Branch Secretary.

» Tuna kan Souvinir Chairman hi kan ruat lo ang tih a va hlauhawm tak em!

» By T/Upa C Lalnunpuia Ex.Officio

» Group Leader dang te hi chuan lam-ah hi chuan min tluk thei ngang lo a ni.

» By Pu Lalnunkima Ngente (Isaia Group Leader)

» Keini Ex.Evan te hi chu Bible Quiz-ah na na na chuan Pu Lalthazova chuan min tluk lo khawp mai.

» By Pu Lalmuanpuia Colney

» Nl Zochami Fin.Secretary pawh Golden Jubilee-ah meuh chuan a rawn in chhawng thim nalh  khawp mai.

» Nl Tuaitei

 

Group in buatsaihna

Golden Jubilee hmang tur hian kum tir atangin Group hrang hrangte kan inbuatsaih nasa hle a, sum tuak nan inhlawhna awm thei ang ang te ngaihtuahin        - Blanket suk, Huan sam, hlo thlawh, thing tuah tur lak, tuikhuah siam leh thenfai, electric bill pek, hmunphiah then, forest dept. hnuaia thingphun, limbu leh atkora tui zawrh, lehkhabu leh sa rep te zuar a inhlawh a ni a, Group hrang hrang ten hetiang hian Branch-ah pawisa an theh lut a-

Isaia Rs 10000/-

Jeremia Rs 11000/-

Ezekiela Rs 12000/-

Daniela Rs 10000/-

heng bak-ah hian Group tin ten Special Budget Rs 1000/- theuh kan thet lut bawk a ni. Golden Jubilee hman zawh-ah Group hrang hrangte hian an sum hman ban ang ang te Branch-ah an la theh lut leh dawn a ni.

Jubilee Programme

Inkhawm Tan hun 10:00 a.m

A hmun  : Biak In

Hruaitu : Pu Lalrammawia               Ralte

                   Leader

Tantu      : Nl Lalbiakhlui Hrahsel

                  Comt.Member

Lawmthu sawi tawngtai rual neih a ni ang.

Thuchah: Pastor H.Laltlanthanga

Zaipawl : Kohhran Zaipawl         (Jubilee hla)

Sunna

Zaipawl: Kohhran Zaipawl

    (Sunna hla)

Secy.Report : Branch Secretary

Chawhma inkhawm ban hian Jubilee Lungphun hawn a ni ang.

Hawngtu: Pastor Malsawmtluanga,       Bialtu Pastor

Jubilee dar vuak

Inkhawm ban Fellowship

A hmun: Revival Centenary Hall

Hruaitu: Pu James Vanlalringa,        Asst.Leader

Tantu : Nl Zosangzuali,          Comt.Member

Souvenir Report & Release

Tlangzarhtu : Upa K.Ngurchhunga

Thusawitu: Pu J.Lalhmachhuana

**Jubilee Ruai..Jubilee Ruai**

Pathian Biak Inkhawm (6:00 pm)

A hmun: Biak In

Hruaitu: Pu Lalzomuana, Treasurer

Thusawitu : Rev.K.Ramliana

Zaipawl     : Kohhran Zaipawl

BRANCH KTP HRUAITU-2012   

Dt.12.12.2011 (Monday zan) khan nakum 2012 chhunga Vairengte Branch KTP hruaitu tur Office Bearers thlanna neih a ni a, hruaitu kan thlan chhuahte chu heng mite hi an ni :-

Leader               : Pu Lalzomuana

Asst.Leader      : T/Upa C.Lalnunpuia

Secretary          : Tv.Lalhruaitluanga kawlni

Asst.Secretary : Pu James Vanlalringa

Treasurer : Pu Lalmuanpuia Kawlni

Fin.Secretary : Pu H.Chanchinmawia

 

Ho huang  !!!

» Souvenir Sub-Comt.Chairman hi Souvenir buatsaih chhungin Vawi thum chauh a ti tau hman..

» Isaia Group Football Player in daih loh a na ngang a niang,Babu-a of Drogba pawh Substitute-ah a thu hman meuh lo chu a ni..

» Kan T/Upa Ex-officio ni bawk hi a tetlai chuan Jim-a ti a koh thin a ni.

» KTP Comt.Hmeichhia-ho khan Football –ah min la cho em? By Capt.Kohhran Hmeichhe Team.

» Kan Asst.Secy Pu CC-a pawh lam(Dance) a hreh lutuk a,a khua a sik daih..

» Kan Branch KTP dinchampha na na na hi chu ka hrechiang ve khawp mai.  By  Pu Natea,

» Kan Branch Treasurer Pu Zomuana pawh kum tluanin Calculator nen a in ak reng an ti..

» Pu Chuaua pawh an khawhluiah,’Lam ang ka lo let leh ta’tih hla an sa zet mai chu a HIT khawp mai…

» Kan Pastor hi Speaker a nih atang hian chibaitu a ngah lutuk a,a aw a chhang daih an ti..

» Ek-a(Tawnga) pawh tihtur ka ngah lutuk tiin BSI Zaipawl-te hma takah a banpui thin a,hla zir banah nula a rim daih zel an ti.

» Kan Branch Leader pawh KTP hruaitu a nih chhung zawngin a Sermon thulkhung ‘DAMCHHAN’ tih leh ‘LAL ISUA ZUI’ a hmang rim hle..

 

BRANCH KTP LEADER THUCHAH : Pathian hruaina changa keini Kristian Thalai Pawl, Vairengte Branch ten Golden Jubilee (Kum 50-na) hmel kan lo hmu ve ta reng mai hi a ropuiin, tuna member ni mek te hi kan va han vannei tak em! Pathian hnenah lawmthu i sawi mawlh mawlh ang u. He hunah hian thahnemngai taka kan Branch lo hruai tawhtute, tuna la dam lai mek leh mual min liamsan ta te kan rilruin a hre reng a. Rinawm taka kan Branch min lo kaihhruaina avangin tun hun hi thleng thei kan ni a, an chungah pawh lawmthu sawi kan ba a ni.

Golden Jubilee lawm tur hian nikum lam atang daih tawh khan Branch Committee chuan ruahmanna a lo siam tawh a, chungte chu vawin niah hian Pathian zarah a hlawhtlinna kan hmu thei a, a lawmawm tak meuh meuh a ni. Jubilee lawm theia kan awmna chhan pakhat chu member-te vang a ni kan ti lo thei lova, member te thawhrimna, inpekna leh thahnemngaihna a zarah Ruai nen kan lawm thei hi member zawng zawngte chungah pawh lawmthu kan sawi a. Member ten kan mawhphurhna leh chanvote tha takin kan hlen thin a, hei hian kan Branch hmel pawh a ti mawi thin a ni.

Vawiin a kan sawmnate ngaipawimawha hun chep tak kara Jubilee hmang tura khualkhua atanga rawn kal zawng zawngte chungah Branch hmingin lawmthu kan sawi a, Jubilee Programme-ah hun te pawh inpek kan duh em em a, mahse hun inpek vek theih a nih loh avangin pawi kan ti hle a ni. Jubilee hlim taka hmang theuh turin Branch KTP chuan duhsakna kan hlan che u a ni.

Kohhran mi zawng zawng leh a bik taka kan mi sawmte Jubilee lawmna Ruai kan buatsaihte min kilpui theuh turin kan ngen che u a, tlai leh puar taka ei turin kan duhsak bawk che u a ni.

KTP Golden Jubilee hmangtu zawng zawngte tisa leh thlarauvah malsawmna thar rawn thlen mawlh rawh se tih hi kan tawngtaina a ni e.

Golden Jubilee Chibai vek ule.

KTP MEMBER INCHHIARNA

Isaia Group                    = Mipa=72,Hmeichhia=33Total=105 

Jeremia Group               =  Mipa=72,Hmeichhia=35Total=107

Ezekiela Group            = Mipa =76,Hmeichhia =35Total=111

Daniela Group              = Mipa 72,Hmeichhia = 33Total=105

Mipa zawng zawng      = 306

Hmeichhia zawng zawng = 148

Total = 454

             Upa K.Lalrammawia, Bawngkawn Chhimveng,Vairengte Branch KTP a hun rei tak chhung hruaitu lo ni tawh chuan Dt 17.12.2011 khan kan Golden Jubilee min rawn hmanpui a,Souvenir sub-committee-te Rs 500/- a pe a an lawm hle a ni.Ex-Officio T/Upa C.Lalnunpuia nena tang dunin Badminton friendly Match kan Branch Leader & Secretary-te nen an khel a,kan Leader-te hi an sawp hrep a ni.

THLAHNA

             Kan Branch Leader ni mek Pu Lalrammawia Ralte hi kumtharah chuan KTP atangin a lo Over dawn ta reng mai a,memberten kan uiin kan ngai dawn hle a ni.Tun tum hi a vawi hnih Over tumna a ni a,kan thlahliam dawn tak tak ta a ang hle!

LAWMTHU SAWINA

             Kan Golden Jubilee lawmchhunga kan Kohhran Hmeichhia leh Pavalaite atul anga min pui tura kan ngenna leh sawmnate min tihhlawhtlinsak avangin Vairengte Branch KTP Committee in an chungah lawmthu kan sawi tak meuh a ni.