Tuten emaw sum thianghlim lo an lak luh tih ka hriat rengte pawh Pathian malsawmna ti a, Kohhran a chanvo leh dinhmun sang beisei vang a sawma pakhat an pekte lawm tak a kan lo dawn theih chuan Kohhran ho pawh hi kan kal sual ta deuh em ni? ti a rilru a ngaihtuah chungin chumi zan chu ka han mu a,kan khawtlang nun leh kan ram politics kal sual mekte mitthla a lang reng chungin hriat loh karah chuan ka lo muhil a ni chek ang chu ka mumangah chuan kan Kohhran inkhawmnaah hian la awm reng mai a,mak ti takin ka han hawi kual vel a.
Nula thutna ka han hawi a \henkhat chuan an pheikhawksang hlipin an hmaa \hutthlengah chuan an ke an hlang zar a, \hutthleng hnunglam ngheng ang el awlin an han \hu awn- d^k -^ng deuh phuau mai te ka hmu a. Thenkhatin sam an lo in khawih sak mial mial a, \henkhat lo phun ru ser sera, lo nui vur vur an awm bawk a. thenkhatin cell phone an lo sik mawlh mawlh a, chu mai a ni lo, \awngtai lai te hi cell phone khawih na hun remchangah leh tiranga leh thil dang ei leh hmuam-na hun remchang atan zuk hmang a maw le!!. Tlangval thutna lam ka han hawi phei leh a, lo muthlu bu lawp lawp leh an hmaa \huttleng lo bawh thlur te, thusawi ngaithla lo tih hriat fahrana lo nui deuh vur vur a, Nula tlar lam hawi phei zuk zuk te ka hmu a, chu mai a ni lo, Malpui hrula cell phone keng hniama lo sik mawlh mawlh leh thlalak maksak pui pui leh film \halo te Bluetooth hmang lo in thawn mawlh mawlh te an awm nia maw le!! A van rapthlak em..! Pa ho thutna lam ka han thlir leh a, inlama Bible chhiar ngai hleilote pawhin thusawitu ngaithla lek lovin an bible chu an han bih ve vang vang hlawm a, an chhiar nge an hmuthlu tih hriat chu a har tak a ni.Mak tak maiin chutia ka en reng lai chuan an rilru put hmang chu ka hmu tlang thei ta vek hlawm mai a. Thenkhat chuan an contract an la thawh zawh loh takte leh adang thawh leh turte an ngaihtuah a, thenkhatte erawh chuan eirukna leh a ruk a an thil tihte chu Pathianin a phawrh mualpho sak mai ang tih an lo hlau em em mai a. Thusawtu chu an Party a nih lo avang a lo ngaisang lo thawk pawh an awm bawk. Pathianthu lairil hria inti tak a Pastor leh Upate ngaisang lo tak tak pawh an in zep ve nual bawk.
Kohhran nu ho thutna lam ka han hawi phei leh a,‘Thlarauah awm rawh u’ tih chang chawi a awm Thlarau tum tlatte, Thlarau chang sang ber ang a lan tum tlat hmelte ka han hmu a. Nu thenkhat fate hruai ho lah chuan anfate ei tur lo bar mawlh mawlh tawk lah bo lo..thenkhat lah faten enge an tih tih pawh ngaituah lem lo leh Pathianthu an sawi pawh ngaithla lem lo in ka zalen ta ti ni awm taka thaw veng tak a awm tawk lah bo lo. Ngun tak a thusawi ngaithla ni a ka hriate lah chuan mahni tan ni lovin an thenawmte tan an lo ngaithla fur hlawm leh nghal a..(karleh ah chhunzawm a ni ang.)
Sunday School Tantu : Pi ThangthapuiiChhun
Chhun Zan
Tantu : Pi Lalengkimi
Thusawitu : Pu P.L Hnema Zan Tantu : Pi Lalengkimi Thusawitu : Pu P.L Hnema
KTP INKHAWM PROGRAMME
Hruaitu : Nl Zochami
Tantu : Nl.Rosy C.Lalrindiki
Thusawi tur a ruat Pu Lalengkima colney chu hna tul avangin hmun dangah a kal a ngai a, chuvangin Khuangpuilam Branch in min tlawh review leh chakna nan neite tan a hun hman tur a ni.
KTP Fellowship Programme
A hmun : Revival Centenary Hall
Hruaitu : Tv Rothangmawia
Tantu : Nl R Lalremruati (VH)
B/Reading : Tv Lalramnghaka (HV)
Zai hruaitu : Tv H.K Lalrindika
Tv Lalpawlliana
Signboard tar
Bial KTP Conferencein alo pass tawh angin nimin khan Bial KTP hriaututen Vairengte khaw daiah Signboard tar in hnatlang an nei a ni.
PROGRAMME COMMITTEE
Vawiin chawhma inkhawm ban hian Programme Sub-committee neih tur a ni a, memberte Kohhran Committee room ah kim tak a kal khawm tur a ni
Kohhran Zaipawl Naktuk zan Inkhawm ban hian Kohhran Zaipawlte Revival Centenary Hall ah hla zir tur a ni a, zaipawl member te a tam thei ang ber kal turin kan in hriattir a ni.
Masihi Sangati Fellowship Prog. A hmun : Reception Office A hun : Chawhma inkhawm Ban Hruaitu : Tv Lalengzama colney Tantu : Tv H.K Zodintluanga S/Sermon : Pu B.Sangluaia
Kohhran Hmeichhe Inkhawm Prog. Hruaitu : Pi Rohnuni Tantu : Pi Lalrinpuii Thusawitu ruat bik awm lovin chakna neite tana leh tawngtai rualnana hun hman tur a ni ang
Testimonial Certificate (TC) hman dan leh dawnsawn dan: Kohhranin Testimonial Certificate kan hman dan chu Kum 2004 Synod thu angin a hnuaia mi ang hian siamthat a ni. i) Testimonial Certificate sawifiahna leh hman a tulna : Tetimonial Certificate leh Pem lehkha hi inanga hmang kan awm thin a, a inang lo a ni. Pem lehkha chu Danpuiin a sawi angin, ‘awmna Kohhran atanga hmun danga pem (insawn)’ chuangchang sawina a ni a (Danpui Bung II Section 1(d). Tetimonial Certificate erawh chu, ‘awmna Kohhran atanga pem (insawn) si lova, hna avang leh thil dang avanga hun emawti chhung hmun dang Kohhrana awm tute hnenah a tul anga an lo chhawr ve theihna tur leh an dinhmun an hriat theihna atna lehkha kan pek thin’ hi a ni. Synod Office-a Form siam sa hmangin Kohhran Testimonial Certificate hi a pe chhuak thin. ii) Testimonial Certificate hman dan leh a dawnsawn dan tur : a) Kan Kohhran mi hmun danga awmten Tetimonial lehkha an neih thin hi Pem lehkha anga ngaih tur a ni lo. b) TC chu Kohhran Secretary-in inkhawmah a chhiar chhuak ang. c) TC neitu chu Kohhranin an phak ang tawk rawngbawlnaah a chhawr thei ang. d) Mahni in luah hrang an nih chuan Pathian Ram Ip leh thilpek dangah a remchan angin Kohhranin a umzui ve ang. e) Pem lehkha an lak hma chuan Kohhran inchhiarna (Statistics)-ah chhiar tel loh tur an ni. f) Testemonial Certificate chu member an nihna Kohhran-in a pek tur a ni. g) Inneih buatsaihpui chungchangah chuan a tul dan azirin member an nihna Kohhranin a tul angin a buatsaih ve thei ang. h) Church Court thil - thunun, lawm luh, lak luh, RC & RL etc. chu an lawi mekna Kohhran chuan a ti tur a ni lo. Member-a an telna Kohhran tih tur a ni. i) A lawina Kohhran Bialtu Pastor/ Upa-ten an ngaihsak ve tur a ni ang.
Hnatlang Nimin khan Kawngthara Tawngtai In tifaia Kohhran hnatlang neih a ni a, he hunah hian mi 50 chuang lai an thawk chhuaka, hnatlanga thawk te hian a tul ang ang leh Biak In chhung te, kawtlaite tifaiin an thawk a ni. Hnatlanga thawk chhuak te chungah Kohhran Committe chuan lawmthu a sawi a ni.
Mizo Tawng Hman Dik 1. Chairman hriat atana thate- i) Chairman thenkhatin, “Kan inkhawmte lo tan tawh ila,” an ti thin a. Inkahwm hi pakhat aia tam sawina a nih lem loh avangin ‘te’ tih lam tel kher lovin, “Kan inkhawm lo tan tawh ila,” tih mai hi a remchang zakin a lang. ii) Chairman-in, “Tunah puan tur tul awm apiangte puang turin kan Secretary kan lo sawm tawh ang a,” tih duah aiin, “Kohhran thupuan i lo ngaithla ang u,” tih mai hi a awlsam zawk a, hun a heh lo zawk bawk. iii) Chairman-in tantu a koh danah tawi fel leh dik taka, “Tantu tur lo sawm tawh ila,” tih mai hi a tha khawp mai. An hming kan sawi tel duh a nih pawhin a tha a. Thenkhatin, “Kan tantu tanna hun min hmansak turin lo sawm ila,” an tih duah thin hi a sei bakah tansak tih hi a dik chiahin a lang lo. Thuhriltu kan sawm pawh hian thu min sawisak turin kan ti ngai lo. iv) Zaipawl sawm danah hengte hi hriat ni se- “Kohhran zaipawl Pathian fak hla hlan turin lo sawm ila,” ti kan awm ve leh zauh thin. “Kohhran zaipwl Pathian fak hla sa turin lo sawm ila,” tih hi a inhmeh zawk. Thawhlawm/thilpek lamah hian ‘hlan’ tih hi kan hmang a, zaipawl lamah chuan ‘sa’ tih hman hi a inhmeh. Tin, tualchhung Kohhran atanga kan thalaite zai hi ‘KTP zaipawl’ ni lovin, ‘Kohhran zaipawl’ an ni. v) “Kan thuhriltu koh nan Hla no...kan sa ang a, kan sak zawhah a hmun luah nhal sela,” tih aiah, “Pathian kan fak/ chawimawi nan hla no...kan sa ang a, chu mi zawhah a hmun luah nghal sela,” tih zawk nise. Chutiangin, “Ban nan hla no... kan sa ang a, kan thuhriltuin malsawmain min tin ang a,” tih aiah, “Pathian fak/chawimawi nan hla no... kan sa ang a, kan thuhriltuin malsawmnaiin min tin anga/ Lalpa tawngtainain kan tawngtai ang,” tih ni se. Thuhriltu koh nan emaw ban nan emaw ringawta hla sak ai chuan Pathian fak/ chawimawi nan kan sa zawk tur a ni. (A len tawh loh avangin karleh lampangah te chhuah chhunzawm leh zel a ni ang)
Thlalak hlui Mamawh KTP ten Jubilee Sovenir an buatsaihna tur atan Kohhran hruaitu hluite thlalak nei emaw,Biakin leh a chhehvel lanna thlalak hlui neite chuan Branch hruaitute hnenah in report turin Sovenir Sub committee chuan Kohhran mipuite min ngen a ni
Hringnun Thufing
*Tlawmna nun neia mahni rilru thunun zo mi chu khaw latu aiin a ropui zawk. **Sum leh pai i lak luh dan leh i hman chhuah danah Lalpa lung a awi em? ***Mahni nihna inhre chiangtute chu tlawmnaah hruai luhin an awm a, chapo taka hnehtu nih ai chuan tlawmnaa
