-Lalnunkima Ngente
Kan Synod-in Kohhran huangchhunga Mizo tawng hman dik atulzia ngai pawimawhin’Literature Week”te pawh kan lo hmang zo leh ta a.Kohhran thiltihna reng reng ah kan Mizo zia tilang thei tur leh kan tawngkam hman dan uluk lehzual atul ta hle mai.Kohhran mi dan chhunga awm,mipat hmeichhiatna nula emaw tlangval emaw an lo chetsual hian Dan pawna hnawhchhuah emaw phuar emaw an ni lova.Kohhran tawngkam chuan lainatna thinlung nena thunun an ni zawk ani.Kan tawnga athumal awmzia kan neih reng pawh hi saptawng hian ati fiah bik turah kan ngaih tlat a,ropui zawk leh in tih changkan nana kan hman fo chuan kan hnamah kan chiang lova kan bo tan chu a ni ber mai lawm ni? KTP,Kohhran hmeichhe Committee etc a, ‘Representative’ kan hmang fo mai pawh hi KTP,Kohhran hmeichhe Committee-a Kohhran ‘aiawh’ tih zawkin adah theihin ka hria.KTP Service Programme tih hi ‘Thawhtan Zan KTP Inkhawm Proramme’ tih hian afun kim thovin ka hria.Kan ‘Alert’ lutuk ang,A ni chu ‘Familiar’ lo,Qualification inang rau rauvah a’Criteria’(teh fung),ka accept khawp mai ti te a,pawl sawm(10) passed chin kan inkawm fo chuan saptawng hriatna lama hnufum zawk, kohhran mipui tamzawkte hian rawngbawlpui min huphurh viau mai lawng maw? Mi inti changkang dip hi thenkhat tan chuan ana ve thei khawp mai nia. ‘Nau hualna lehkha’an sem(cradle roll Certificate)ti deuh kher lovin’ atih mai theih a.Agenda tih aiah ‘thu ngaihtuah turte’ Resolution tih aiah ‘Thurelte’atih fel et theih mai ani. ‘Tawngtaina In’pawh Preaching station tia kan lam rik sek chuan thenkhat chu an bang bo thei mai awm e.Kohhran emaw YMA au rinna hmanga’Joint YMA information centre atangin announcement pawimawh tak....tih duah ai chuan Zopa tlang audan pangngaiin,’Khai le.mipuite hriat tur thil pawimawh tak kan han puang ang e,’tih mai tur ani.Mi thil kan hrilh chuan a hre ngei tur ani a.hrilh hriat nise tih kher angai love.Rokhawlhna engngemaw a awm anih loh chuan ‘Remchan zawkna’ hi a awm thei lo tluk ani. Tin,Nilai zan leh Beihrual a kan thupui zir ho thin hi kan thupui zir tur leh a hawng tur awm mi hi chanvo ruattuin lo siam rem thin sela.Thupui hawngtu thenkhat harsa ti tak chunga an chanvo hlen ngei tuma rawn chhiar tlingtla thei hram hram..Thupui zirho tur sawi zau zui chakawm tawh lokhawpa thupui ngaihthlak nuam lo hi a awm thei ani.Chutiang bawkin Puitling zirlai’Kohhran chanchin’te pawh kha achhungthu sawi ngaihnawm leh sawi zau ve thiam Zirtirtu nih angai ve in alang.Duh taka Kohhran mipuiin kan thlan’Tualchhung Upa’te pawh rawngbawltu thenkhatin’Tual Upa’kan la sawi fan a.Kan tawngtluan taihmak deuh hun a nghahhlelawm thin teh e,kan thanlenna tur leh hma kan sawnna tur thil thar engngemawh an chin thar leh han zir chhoh lamah hian kan la hnufum deuhin alang a,engngemaw lekah’kan kal dan’kan tih ve thin dan reng a ni’ti a duhtawk ngah mai,thanlen tum lem lo,”Nakinah chuan angai ang bawkin kan la awm leh mai ang,”ti a insawi phurpui loh lamah hian tumah i ram tang lovang u.Sap pa leh Sap nu pawhin Sap takin Pathian thu an sawiin an zawm mai a.Zo pa leh Zo nu pawhin ZO takin Lalpa rawng hi kan bawl ve thei reng a ni.Zo nu in zo puan mawi leh zahawm tak mai uluk tak a bih a Pathian Biak In lam an pan zal zal mai hi chu tunge maw mawi tilo awm ang le!!
KTP Thlathar Committee thurel then khat te.
Thawhleh zan khan Branch thla thar committee neih a ni a,Veng hrang hrang a Faith Promise lo luh dan chu hetiang hi a ni:-
Venghlun - ` 1700/-
Hall veng - ` 600/-
Venglai - ` 1580/-
Kawngthar - ` 1230/-
Total - ` 5170/-
Heng bakah hian Group tin atangin Project ` 4000/- leh thla Budget Rs 300/- theuh lak khawm a ni bawk.
Thurel 1-na.Golden Jubilee pual a Bethel chungchang : Golden Jubilee pual Branch pum huap a Bethel neih tur a ni a,Dt 26.11.11(Inrinni) zing dar 9:30 ah PWD office kawtah member kal turte chu innghah khawm tur a ni.A hmun atan hian Pu Lalnunkima Ngente te huanah a ni a,Hun bul hmangtu atan Leader Pu Lalrammawia a ni a,hun tawp a min hruaitu atan Asst.leader Pu James Vanlalringa ruat a ni bawk.
Thurel 2-na.Member Inkhawm kim zan chungchang : Member Inkhawm kim zan hi neih nise, A hun atan Dt 28.11.11(Thawhtanni) ruat a ni a,memberte kim tak a kan Inkhawm theih nana Lehkha a sawmna siam a inpek vek tur a ni.Tin,heng sawmnate hi group hrang hrangin mahni veng chan theuhah sem leh vek tur a ni bawk.
Thurel 3-na.Jubilee mei det chungchang: Jubilee mei det tur lo ngaihtuah tur in Ast Leader leh Pu Lalmuanpuia Colney te kutah dah ani a. Tin,Jubilee mei det tur hian Pro Pastor Jimmy Malsawmdawngliana ruat a ni
Thurel 4-na.Jubilee dar vuak chungchang: Jubilee dar vuak dan tur sawi ho a ni a,dar vaw tur hian Kohhran Committee,Kohhran Hmeichhe OB leh Branch Committee-te ruat an ni a,member 50 an tling lo anih chuan Secretary in aruat belh ang.
Thurel 5-na.K.T.P Inkhawm Programme chungchang: Naktuk zan K.T.P inkhawm dan tur chungchang sawi ho a ni a,Biakin khar a kawngthar Branch Church lamah inkhawm vek tur a ni.
Thurel 6-na :Golden Jubilee thinglak chungchang : Golden Jubilee lawmna atan thing tuah tur lak nise,ahun atan Dt 3.12.2011(inrinni) ruat ani a.Thing lakna hmun tur hi OB-te kutah dah a ni.
Sunday School
Tantu : Pi Lalthanpuii Sailo
Chawhnu
(Kawngthar Branch Church Hawn)
Hruaitu : Pastor Malsawmtluanga (Bialtu)
Branchurch Din dan
Sawitu : Upa C Zoparliana
Branch Church dinhmun leh a tih theih chin.
Sawitu : Upa H Lalliana,Bial Secy(Sr)
Branch Church hawnna.
Hawngtu : Pastor Malsawmtluanga
Zaipawl : Bial Zaipawl
Thuchah : Pastor Malsawmtluanga
Zan
Hruaitu : Upa Vanlalzuia
(Kohhran Committee Chairman)
Zaipawl : Vairengte Kohhran Zaipawl
Thusawitu : Pastor Malsawmtluanga
K|P Inkhawm Programme
Hruaitu : Pu Lalrammawia Ralte
Tantu : Tv.B.Zothanpuia
Sermon : Pu Samuel Rosangliana
Naktuk zan Thalai Inkhawm hi kan Biakin kharin Kawngthar Branch Church lamah Inkhawm tur a ni a,memberte thahnem ngai taka inkhawm theuh turin kan insawm a ni.
Tunkar chhung hun ruatna
Dt 16.11.11(Nilaini) Zan Inkhawm
Tantu : Nl Lalbiakhlui Hrahsel
thupui : ‘Lal Isua lokal lehna thurin pawimawhzia’.
Hawngtu : Pu Vanlalruata Ralte
Dt 19.11.11(Inrinni) Zan Inkhawm
Tantu : Pi Malsawmi W/o Ropiangliana
thusawitu : Pu Lalzomuana
Kohhran Hmeichhe Inkhawm Prog.
Hruaitu : Pi Laldinliani
Tantu : Pi Rualkhumi
Thusawitu : Pi Vanlalmawii
Thingphurh hnatlang
Naktukah Kohhran Hmeichhiaten Thingphurh hnatlang neih tur a ni a, Veng hrang hranga thingpui lum turte :-
Venglai :
1) Pi Lalduhawmi 2) Pi Rallianzuali
3) Pi Tlangthanmawii 4)Lalawmpuii
5) Pi Hmangaihzuali
Kawngthar :
1) Pi Chawngtinthili 2) Pi Sairengpuii
3) Pi H Lalhlimpuii 4) Pi Thangseii
5) Pi Lalzamveli
Venghlun :
1) Pi Laldinliani 2) Pi Vanlalchhuangi
3) Pi Lalchhuani 4) Pi Lalbiakliani
5) Pi Chawngdailovi
Masihi Sangati Committee
Dt 15.11.11(thawhlehni) zanah committee neih tur a ni a,memberten ngai pawimawh theuh turin an ngen a ni.Tin,Vawiin Inkhawmban hian Pu Hrangbuanga te In ah in hmunkhawm bawk tur a ni.
KTP in Flag zuar
Dt.7.11.2011(thawhtanni) zan atang khan kan Branch Golden Jubilee lawmna tur a tan Car Flag zawrh a ni a,Hetah hian memberte an thawk chuak tha thei hle a,member thawkchhuak zawng zawngte chungah branch hruaitute chuan lawmthu an sawi a ni.A remchan chuan karthar lamah pawh hian zawrh leh tur a ni ang.
Kohhran Hnatlang
Nimin Khan Kawngthar Branch Church hawnna tur atan Kohhran pum huapin hnatlang neih a ni a,Hnatlang a chhuak zawng zawngte chungah Kohran chuan lawmthu a sawi a ni.Tin,he hunah hian Light and sound hnatlang pawh neih nghal a ni bawk.
** Kher lo **
* Inchhir nazawng hian an sim kher lo.
** Dikna ngai sang na zawng hian an nunpui kher lo.
*** Midangte sualna hmu thei nazawng hian anmahni sualna an hmu thei kher lo.
**** Kohhran hruaitu sawiseltute hi Kohhran hruai turin an hman tlak kher lo.
***** A tawng chak a piangte hi a hre ber an ni kher lo.
